‘പ്രതിഭയാണ് പ്രതിഭാസമാണ്’; ലമീന്‍ യമാലിന്‍റെ ഗോളിന് ‘ലാലിഗ’യുടെ അഭിനന്ദനം ജഗതിയുടെ സിനിമാ ഡയലോഗിലൂടെ

ലമീന്‍ യമാലിന്‍റെ ഗോളിന് സ്‌പാനിഷ് ലീഗ് ഫേസ്‌ബുക്ക് പേജിന്‍റെ അഭിനന്ദനം ജഗതിയുടെ ഡയലോഗിലൂടെ. യൂറോ കപ്പിലെ ഏറ്റവും പ്രായം കുറഞ്ഞ ഗോൾ സ്കോറെന്ന റെക്കോർഡ് സ്വന്തമാക്കിയതിനു പിന്നാലെയാണ് ലാലിഗയുടെ പേജിൽ മലയാളത്തിലെ പ്രതിഭയാണ് പ്രതിഭാസമാണ് എന്ന ജഗതിയുടെ സിനിമ ഡയലോഗ് പങ്കുവെച്ചത്. ലമീന്‍ യമാലിന്‍റെ ചിത്രവും പങ്കുവെച്ചിട്ടുണ്ട്.

also read: ചരിത്ര നിമിഷം; വിഴിഞ്ഞത്ത് ആദ്യ വാണിജ്യ കപ്പൽ അടുക്കുന്നു

16 വയസ്സും 362 ദിവസവും പ്രായമുള്ളപ്പോഴാണ് യമാലിന്റെ നേട്ടം. 21–ാം മിനിറ്റിൽ പെനൽറ്റി ഏരിയയ്ക്ക് തൊട്ടുപുറത്തു നിന്ന് തൊടുത്ത ഷോട്ടിലാണ് യമാൽ ലക്ഷ്യം കണ്ട‌ത്.ഇതോടെ 2004 യൂറോയിൽ 18 വയസ്സും 141 ദിവസവും പ്രായമുള്ളപ്പോൾ ഗോൾ നേടിയ സ്വിറ്റ്സർലൻ‍ഡിന്റെ ജൊനാതൻ വോൺലാതനെയാണ് യമാൽ പിന്നിലാക്കിയത്.

ക്രൊയേഷ്യയ്ക്കെതിരെയുള്ള ആദ്യ മത്സരത്തിൽ ഇറങ്ങിയപ്പോഴും യൂറോയിൽ കളിക്കുന്ന ഏറ്റവും പ്രായം കുറഞ്ഞ കളിക്കാരനെന്ന റെക്കോർഡും യമാൽ നേടിയിരുന്നു.

also read: സംസ്ഥാനത്ത് രണ്ട് പേർക്ക് കൂടി കോളറ സ്ഥിരീകരിച്ചു