ഫുട്ബോൾ ഇതിഹാസ താരം മെസിയുടെ വിജയങ്ങൾ പലതരത്തിലും ആഘോഷമാക്കാറുണ്ട്. അമേരിക്കന്‍ ഫുട്‌ബോളില്‍ സ്വപ്‌നതുല്യമായ അരങ്ങേറ്റമായിരുന്നു ലയണല്‍ മെസിക്ക് ലഭിച്ചത്. ലീഗ്‌സ് കപ്പില്‍ ക്രുസ് അസുലിനെതിരായ മത്സരത്തില്‍ ഫ്രീകിക്കിലൂടെ വിജയഗോള്‍ അടിച്ചാണ് മെസ്സി തന്റെ വരവ് അറിയിച്ചത്. ഇന്റര്‍ മയാമിയിലെ മെസിയുടെ ഈ ആദ്യ ഗോള്‍ നേട്ടം വ്യത്യസ്തമായ രീതിയില്‍ ലെയ്സ് ആഘോഷമാക്കി.
808-ാമത് ഗോളായിരുന്നു ക്രുസ് അസുലിനെതിരെ മെസി നേടിയത്. അതുകൊണ്ട് തന്നെ 808 ആടുകളെ നിർത്തി മെസ്സിയുടെ മുഖം സൃഷ്ടിച്ചാണ് ലെയ്സ് ഈ ഗോൾ നേട്ടം ആഘോഷമാക്കിയത്. ‘മെസി, നിങ്ങള്‍ ഇനിയും ഗോളുകള്‍ കണ്ടെത്തുന്നതിനായി ഞങ്ങള്‍ കുറച്ച് കൂടി ആടുകളെ ചേര്‍ക്കുന്നു’ എന്ന അടിക്കുറിപ്പോടെ ലെയ്സ് തന്നെയാണ് സമൂഹമാധ്യങ്ങളില്‍ വീഡിയോ പങ്കുവെച്ചത്.
also read :തിരുവനന്തപുരം മരിയനാട് വള്ളം മറിഞ്ഞു
മത്സരത്തിന്റെ ആദ്യ പതിനൊന്നില്‍ മെസിയെ ഇറക്കിയിരുന്നില്ല. അവസാനഘട്ടത്തിലായിരുന്നു മെസ്സിയുടെ വരവ്. അധികസമയത്തിൽ മെസ്സി നടത്തിയ മിന്നുന്ന പ്രകടനത്തിലാണ് ആ മാജിക് സംഭവിച്ചത്. 94-ാം മിനിറ്റില്‍ പെനാല്‍റ്റി ബോക്‌സിന് പുറത്ത് വച്ച് റഫറി ഇന്റര്‍ മയാമിക്ക് അനുകൂലമായി ഫ്രീകിക്ക് വിധിച്ചു. കിട്ടിയ ഫ്രീകിക്ക് തന്റെ ഇടം കാലിനാൽ തൊടുത്ത ഷോട്ട് വലയുടെ ഇടതു മൂലയിലേക്ക് മിന്നിച്ചപ്പോൾ പിറന്നത് മയാമിയുടെ വിജയഗോളായിരുന്നു.
also read :മുട്ടിൽ മരം മുറിക്കേസിൽ വൻ തട്ടിപ്പ്, പ്രതികൾ തട്ടിപ്പ് നടത്തിയെന്ന് ശരിവച്ച് ഭൂവുടമകൾ
We added a few extra goats for all the goals you’re about to score, #Messi. 😉 pic.twitter.com/x6fTJwQEAR
— LAY’S (@LAYS) July 21, 2023
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
