ദില്ലിയില്‍ നടക്കുന്ന ലെജന്‍ഡ് ടെന്നീസ് ലീഗില്‍ പങ്കെടുക്കുന്ന ദക്ഷിണേന്ത്യയില്‍ നിന്നുള്ള ആദ്യ ടീം റോയല്‍ ഡെക്കാന്‍ ടസ്‌കേഴ്‌സിന്റെ ജഴ്‌സിയും ലോഗോയും പ്രകാശനം ചെയ്തു. ലോഗോ പ്രകാശനം തിരുവിതാംകൂര്‍ രാജകുടുംബാംഗം ആദിത്യ വര്‍മയും ഭീമാ ഗ്രൂപ്പ് ചെയര്‍മാന്‍ ഡോ. ബി ഗോവിന്ദനും ചേര്‍ന്നാണ് നിര്‍വഹിച്ചത്. അതേസമയം ടീം ജേഴ്‌സി ലോര്‍ഡ്‌സ് ആശുപത്രി ചെയര്‍മാന്‍ ഡോ. പികെ ഹരിദാസ് സ്ട്രാഗാ ഗ്രൂപ്പ് ഡയറക്ടര്‍ വേണുകുമാര്‍ എന്നിവര്‍ പ്രകാശനം ചെയ്തു. എസ്‌ഐ പ്രോപ്പര്‍ട്ടീസ് ഡയറക്ടര്‍ രഘുചന്ദ്രന്‍നായര്‍ ഡിജിറ്റല്‍ മീഡിയാ റീലിസും നിര്‍വഹിച്ചു.
ദേശീയ ടെന്നീസ് ടൂര്‍ണമെന്റ് വിജയികളായ വിശാഖ് വിഎസ്, ലോര്‍ഡ്‌സ് ഹോസ്പിറ്റല്‍ വൈസ് ചെയര്‍മാന്‍ ഹരീഷ് ഹരിദാസ് എന്നിവരാണ് ടീം ഉടമകളും കളിക്കാരും.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
