ലോകകപ്പ് യോഗ്യതാ മത്സരത്തിൽ പെറുവിനെതിരെ ഏകപക്ഷീയമായ ഒരു ഗോളിന് അർജന്റീന വിജയിച്ചു. ഗോള്‍രഹിതമായ ആദ്യ പകുതിക്ക് ശേഷം 55-ാം മിനിറ്റില്‍ തകർപ്പന്‍ വോളിയിലൂടെയാണ് ലൗട്ടാരോ മാര്‍ട്ടിനസ് ആണ് അർജന്റീനക്കായി വലകുലിക്കിയത്. സൂപ്പര്‍ താരം ലയണല്‍ മെസ്സിയുടെ അസിസ്റ്റിലാണ് ലൗട്ടാരോ മാര്‍ട്ടിനസ് വിജയഗോൾ നേടിയത്.
ഇതോടെ മറ്റൊരു റെക്കോർഡും മെസ്സി തന്റെ സ്വന്തം പേരിലാക്കുകയും ചെയ്തു. രാജ്യാന്തര മത്സരങ്ങളില്‍ ഏറ്റവും കൂടുതല്‍ അസിസ്റ്റ് നല്‍കിയ താരമെന്ന ബഹുമതിയാണ് ഇതോടെ മെസ്സി സ്വന്തം പേരില്‍ എഴുതി ചേര്‍ത്തത്. അമേരിക്കന്‍ ഇതിഹാസം ലാന്‍ഡന്‍ ഡൊണോവനൊപ്പമാണ് മെസ്സി ഇപ്പോൾ എത്തിയിരിക്കുന്നത്.
ഫുട്‌ബോള്‍ ചരിത്രത്തിലെ ഏറ്റവും കൂടുതല്‍ അന്താരാഷ്ട്ര അസിസ്റ്റുകൾ നൽകിയവരുടെ കൂട്ടത്തൽ ഇനി ലാന്‍ഡന്‍ ഡൊണോവനൊപ്പം ലയണൽ മെസ്സി എന്ന പേരും കാണും. ഇരുവരും 58 അസിസ്റ്റുകളാണ് ചെയ്തിട്ടുള്ളത്.
✨🇦🇷 Leo Messi has just played his final game for club and country in 2024… as Argentina beat Perú 1-0.
— Fabrizio Romano (@FabrizioRomano) November 20, 2024
🪄 Messi’s assist means he becomes the player with most assists in international football history joint with Donovan (58). pic.twitter.com/79O4q3b8Zg
ഇടതു വിങ്ങില്‍ നിന്നും മെസ്സി നല്‍കിയ മികച്ചൊരു ക്രോസ്സ് മനോഹരമായ വോളിയിലൂടെ ലൗട്ടാരോ മാര്‍ട്ടിനെസ് ഗോളാക്കി മാറ്റുകയായിരുന്നു. ഈ വിജയത്തോടെ ലോകകപ്പ് യോഗ്യതാ മത്സരത്തിൽ പോയിന്റ് പട്ടികയില്‍ ഒന്നാം സ്ഥാനത്തുള്ള അര്‍ജന്റീന ലീഡ് അഞ്ചാക്കി ഉയര്‍ത്തിയിരിക്കുകയാണ്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
