പുതിയ അപ്ഡേറ്റുമായി വാട്സാപ്പ്. ഇനി വാട്സാപ്പിൽ സ്റ്റാറ്റസ് ആയി ദൈർഘ്യമേറിയ ശബ്ദസന്ദേശങ്ങൾ ഷെയർ ചെയ്യാം. മുൻപ് 30 സെക്കൻഡ് മാത്രമേ വാട്സാപ്പിൽ ഓഡിയോ സന്ദേശങ്ങൾ പങ്കിടാനായിരുന്നത്. ആപ്പിന്റെ ഏറ്റവും പുതിയ അപ്ഡേറ്റിലാണ് ഈ ഫീച്ചർ വന്നിരിക്കുന്നത്. ആൻഡ്രോയിഡ്, ഐഓഎസ് പ്ലാറ്റ്ഫോമുകളിൽ ഈ ഫീച്ചർ ലഭ്യമാകും.
ഉപയോക്താക്കൾക്ക് ഒന്നിലധികം പുതിയ സവിശേഷതകളും അവതരിപ്പിക്കാൻ വാട്സാപ്പ് പദ്ധതിയിടുന്നുണ്ട് എന്നാണ് പുതിയ വിവരം. അടുത്തിടെ റിപ്പോർട്ട് ചെയ്ത ഫീച്ചറുകളിൽ ഒന്ന് ക്രിയേറ്റ് വിത്ത് എഐ ആണ്. എഐ സഹായത്തോടെ നിർമിച്ച ചിത്രങ്ങൾ സ്റ്റാറ്റസായി ഉപയോഗിക്കാനാകും. സന്ദേശ ബാറിലെ മൈക്ക് ബട്ടണിൽ ടാപ്പുചെയ്‌ത് നിങ്ങളുടെ സന്ദേശമോ അപ്‌ഡേറ്റോ റെക്കോർഡ് ചെയ്യുക, അത് എല്ലാ കോൺടാക്റ്റുകളുമായും പങ്കിടും. വോയ്‌സ് സന്ദേശങ്ങൾ അയയ്‌ക്കുന്ന അതേ രീതിയിൽ തന്നെ സ്റ്റാറ്റസ് അപ്‌ഡേറ്റുകൾക്കായുള്ള വോയ്‌സ് നോട്ട് സംവിധാനം ലഭ്യമാകും.
മൈക്ക് ബട്ടൺ അമർത്തിപ്പിടിച്ച് ഒരു സ്റ്റാറ്റസ് അപ്‌ഡേറ്റായി പ്രസിദ്ധീകരിക്കുന്ന വോയ്‌സ് കുറിപ്പ് റെക്കോർഡു ചെയ്യണം. സ്റ്റാറ്റസ് അപ്‌ഡേറ്റുകളിൽ ദൈർഘ്യമേറിയ വീഡിയോകൾ പങ്കിടാനും കഴിയും. ഭാവിയിലെ അപ്‌ഡേറ്റുകൾ വരുമ്പോൾ 1 മിനിറ്റ് ദൈർഘ്യമുള്ള വീഡിയോകൾ വരെ പങ്കിടാനാകും.
ALSO READ: ആ ഭാഗ്യവാൻ ഇവിടെയുണ്ട്; വിഷു ബമ്പർ ഭാഗ്യവാനെ കണ്ടെത്തി
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
