ഇൻസ്റ്റാഗ്രാമിൽ ഏറ്റവും കൂടുതൽ കാഴ്ചക്കാരുമായി മലപ്പുറത്തുകാരന്റെ ഫുട്ബോൾ ഷോട്ടിന്റെ വീഡിയോ. അരീക്കോട് മാങ്കടവ് സ്വദേശി മുഹമ്മദ് റിസ് വാനാണ് ഇൻസ്റ്റാഗ്രാമിൽ കോടികളുടെ ആരാധനാപാത്രമായത്. നിലവിൽ ഇൻസ്റ്റഗ്രാമിൽ കൂടുതൽ കാഴ്ചക്കാർ വീക്ഷിച്ച റീൽ ഫ്രീ സ്റ്റൈൽ വിഡിയോ ഉൾപ്പെടെ ചെയ്യുന്ന ഇറ്റലിക്കാരൻ കാബിയുടേതാണ്. കാബിയുടെ ഏറ്റവും കാഴ്ചക്കാരുള്ള വീഡിയോക്ക് 289 മില്യൺ വ്യൂവേഴ്സ് ആണുള്ളത്.
ALSO READ: കനകക്കുന്നില്‍ ചാന്ദ്ര വിസ്മയം തീര്‍ത്ത് ‘മ്യൂസിയം ഓഫ് ദ മൂണ്‍’
View this post on Instagram
അതിനെ മറികടന്നാണ് റിസ് വാൻ 10 ദിവസം മുമ്പ് ഇൻസ്റ്റാഗ്രാമിൽ പങ്കുവച്ച വെള്ളച്ചാട്ടത്തിലേക്ക് ഫുട്ബോൾ തട്ടുന്ന വീഡിയോ റെക്കോർഡുകൾ ബേധിച്ചത്‌. റിസ് വാന്റെ വീഡിയോ ഇതിനോടകം 350 മില്യൺ ആളുകളാണ് കണ്ടത്. പ്രതീക്ഷിക്കാതെയുള്ള നേട്ടത്തിന്റെ സന്തോഷത്തിലാണ് റിസ് വാൻ. മൂന്നുവർഷം മുമ്പാണ് വിദേശരാജ്യങ്ങളിൽ പ്രധാനമായി കണ്ടുവരുന്ന ഫ്രീ സ്റ്റൈൽ ഫുട്ബാളിലേക്ക് റിസ് വാൻ എത്തുന്നത്.
ALSO READ: സൗദിയിൽ വിവാഹം ചെയ്യണമെങ്കിൽ മയക്കുമുരുന്ന് ഉപയോഗിക്കുന്നില്ലെന്ന് സ്ഥിരീകരിക്കണം
സമൂഹമാധ്യമങ്ങളിലൂടെ വിദേശരാജ്യങ്ങളിലെ ഫ്രീസ്റ്റൈൽ താരങ്ങളുടെ വിഡിയോകൾ പ്രചോദനമായാണ് ഈ രംഗത്തേക്ക് പ്രവേശിച്ചത്. പ്രൊഫഷണൽ ഫുട്ബാൾ താരങ്ങൾക്ക് പോലും ചെയ്യാൻ കഴിയാത്ത തരത്തിലുള്ള അഭ്യാസപ്രകടനങ്ങളാണ് പന്ത് കൊണ്ട് ഈ മിടുക്കൻ ചെയ്യുന്നത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
