ന​മ്മ​ളി​പ്പോ​ൾ സ​ന്തു​ഷ്ട കാ​ൻ​സ​ർ കു​ടും​ബ​മാ​യില്ലേ ആലീസേ, പേടിക്കേണ്ട; ചിരിയുടെ ഒടേ തമ്പുരാൻ അന്ന് പൊട്ടിക്കരഞ്ഞു

രമ്യ റാം

ആ​ശു​പ​ത്രി​മ​ണം നി​റ​ഞ്ഞ ഇടവഴികളിൽനി​ന്ന് ഒടിവിൽ ചിരിയുടെ ഒടേ തമ്പുരാൻ, പ്രിയപ്പെട്ട ഇന്നസെന്റ് യാത്രയായി. ഹാ​സ്യ​ത്തി​ന്‍റെ, ക​രു​ത​ലി​ന്‍റെ, സാ​ഹോ​ദ​ര്യ​ത്തി​ന്‍റെ, കൂ​ട​പ്പി​റ​പ്പി​ന്‍റെ, ക​രു​ത്ത് കാ​ട്ടി​യ അങ്ങനെ എത്രയെത്ര ക​ഥാ​പാ​ത്ര​ങ്ങ​ൾ പ്രേക്ഷകർക്ക് സമ്മാനിച്ചാണ് ആശാനേ നിങ്ങൾ പോകുന്നത് ? അടുത്തറിയുന്നവർക്കും അല്ലാത്തവർക്കും എല്ലാം ഇന്നസെന്റ് സ്വന്തം വീട്ടിലെ ഒരു കുടുംബാംഗത്തെപ്പോലെ ആയിരുന്നു. അച്ഛനെ പോലെ , അപ്പൂപ്പനെ പോലെ , സഹോദരനെ പോലെ ..അങ്ങനെ ഓരോരുത്തരുടെയും ആരൊക്കെയോ ആയിരുന്നു .

ശരിയാണ്. ഭൂരിഭാഗം സിനിമകളിലും പ്രേക്ഷകരെയെല്ലാം കുടു കുടെ ചിരിപ്പിക്കാനായാണ് ഇന്നസെന്റ് പ്രത്യക്ഷപ്പെട്ടത്. എന്നാൽ പൊട്ടിച്ചിരികളും പൊട്ടിച്ചിരിപ്പിക്കലും മാത്രം നിറഞ്ഞതായിരുന്നില്ല ഇന്നസെന്റിന്റെ ജീവിതം. അവിടെ ചിരി മാത്രമല്ല വിഷമങ്ങളും വേദനകുളും തീരാ മുറിവുകളും ഉണ്ട്.

കാൻസർ വാർഡിലെ ചിരി എന്ന ആത്മകഥ വായനക്കാരുടെ കണ്ണ് നനച്ചു. അതിൽ അദ്ദേഹം എഴുതുന്നുണ്ട് ഇങ്ങനെ .
‘‘വീ​ണ്ടും ഷൂ​ട്ടി​ങ് തി​ര​ക്കി​ലേ​ക്ക് പോ​യെ​ങ്കി​ലും ആ​ശ​ങ്ക​യു​ടെ നാ​ളു​ക​ളാ​യി​രു​ന്നു അ​ത്. ഇ​ട​ക്കി​ടെ ആ​ലീ​സ് വി​ളി​ച്ച് ബ​യോ​പ്സി ഫ​ലം എ​ന്താ​യി എ​ന്ന് ചോ​ദി​ച്ചു. ഗം​ഗാ​ധ​ര​ൻ ഡോ​ക്ട​റെ വി​ളി​ച്ച​പ്പോ​ൾ ഫോ​ൺ എ​ടു​ക്കു​ന്നി​ല്ല. വീ​ണ്ടും വി​ളി​ച്ച​പ്പോ​ൾ പ​ത്തു​മി​നി​റ്റ് ക​ഴി​ഞ്ഞ് വി​ളി​ക്കാ​മെ​ന്ന് മ​റു​പ​ടി. പി​ന്നീ​ട് ഡോ​ക്ട​ർ വി​ളി​ച്ചു​പ​റ​ഞ്ഞു -നാ​ളെ ഹോ​സ്പി​റ്റ​ലി​ൽ വ​രൂ.. ഭ​യം വ​ന്നു​തു​ട​ങ്ങി​യി​രു​ന്നു.

ആ ​ദി​വ​സം എ​റ​ണാ​കു​ള​ത്ത് സം​വി​ധാ​യ​ക​ൻ സ​ത്യ​ൻ അ​ന്തി​ക്കാ​ട് താ​മ​സി​ച്ച ഹോ​ട്ട​ലി​ലെ​ത്തി. വി​വ​ര​ങ്ങ​ള​റി​യാ​വു​ന്ന സ​ത്യ​ൻ ചോ​ദി​ച്ച​പ്പോ​ൾ പ​റ​ഞ്ഞു-​കു​ഴ​പ്പം ആ​ണ​ടാ..​ക​ര​ഞ്ഞു​കൊ​ണ്ട് പ​റ​ഞ്ഞു. സ​ത്യ​ന്‍റെ​യും ക​ണ്ണ് നി​റ​ഞ്ഞു​പോ​യി. അ​വി​ടെ​നി​ന്നി​റ​ങ്ങി മ​ക​നോ​ടൊ​പ്പം ലേ​ക് ഷോ​ർ ആ​ശു​പ​ത്രി​യി​ലേ​ക്ക് .‘‘ചെ​റി​യ കു​ഴ​പ്പ​മു​ണ്ട്. വ​ലി​യ കു​ഴ​പ്പ​മു​ള്ള കാ​ര്യ​മ​ല്ല. ലിം​ഫോ​മ-​കാ​ൻ​സ​റി​ന്‍റെ വ​ക​ഭേ​ദ​ങ്ങ​ളി​ലൊ​ന്ന് ’’-ഗം​ഗാ​ധ​ര​ൻ ഡോ​ക്ട​ർ പ​റ​ഞ്ഞു. മാ​റു​മോ-​ക​ര​ച്ചി​ലി​ന്‍റെ വ​ക്ക​ത്തെ​ത്തും​പോ​ലെ ചോ​ദി​ച്ചു. ചി​കി​ത്സി​ച്ചാ​ൽ മാ​റാ​വു​ന്ന​തേ ഉ​ള്ളൂ-​മ​റു​പ​ടി. തി​രി​ച്ച് വ​ണ്ടി​യി​ൽ ക​യ​റു​മ്പോ​ൾ ആ​രും മി​ണ്ടു​ന്നി​ല്ല. തൊ​ട്ട​ടു​ത്ത് മ​റ്റൊ​രു വാ​ഹ​ന​ത്തി​ലെ​ത്തി​യ സ്ത്രീ​ക​ൾ എ​ന്നെ ക​ണ്ട് നി​ല​ക്കാ​തെ ചി​രി​ക്കു​ന്നു. ഉ​ള്ള് പി​ട​ഞ്ഞ് ഞാ​നും. മ​ക​ന്‍റെ ക​ണ്ണി​ൽ നി​റ​ഞ്ഞ ക​ണ്ണീ​ർ’’-​ഇ​ന്ന​സെ​ന്‍റ് ആ​ത്മ​ക​ഥ​യു​ടെ താ​ളു​ക​ളി​ൽ കു​റി​ച്ചു.

തനിക്ക് കാൻസർ ആണെന്ന് അറിഞ്ഞിട്ടും കരയാൻ തയ്യാറാവാതിരുന്ന ആ മനുഷ്യൻ ആദ്യമായി പൊട്ടിക്കരഞ്ഞത് ഭാര്യ ആലീസിനും കാൻസർ ആണെന്ന് അറിഞ്ഞപ്പോഴായിരുന്നു. 2019 ൽ മാതൃഭൂമി ഒരുക്കിയ ക ഫെസ്റ്റിവലിൽ “മനസ്സ് തുറന്ന് ഇന്നസെന്റ്” എന്ന ഇന്റർവ്യൂവിൽ അതേപ്പറ്റി ഇന്നസെന്റും ഭാര്യ ആലീസും തുറന്ന് പറഞ്ഞിട്ടുണ്ട്.

ഇ​ന്ന​സെ​ന്‍റ് പ​റ​ഞ്ഞി​ട്ടാ​ണ് ഭാ​ര്യ ആ​ലീ​സി​നെ മാ​മോ​ഗ്രാം ടെ​സ്റ്റ് ചെ​യ്യി​ച്ച​ത്. ഒ​ടു​വി​ൽ ഡോക്ടർ ഫ​ലം വിളിച്ചറിയിച്ചപ്പോൾ തൊട്ടടുത്തിരിക്കുന്ന ഭാര്യ ആലീസിനെ അറിയിക്കാതിരിക്കാനായി ഇന്നസെന്റ് പൊട്ടിച്ചിരിയോടെ ഓ അതെയോ എന്നും പറഞ്ഞ് ഫോൺ വെച്ചു. എന്നാൽ ഇന്നസെന്റിന്റെ ആ ഫോൺ വിളിയിൽ നിറഞ്ഞ് നിന്ന പൊട്ടിച്ചിരിയിലെ ഒളിച്ചു വെച്ച കണ്ണീരിനെ തിരിച്ചറിഞ്ഞിട്ടെന്നോണം ആലീസ് പൊട്ടിക്കരഞ്ഞു. എന്നിട്ട് ചോദിച്ചു എനിക്കും കാൻസർ ആണല്ലേ ……. നി​സ്സ​ഹാ​യ​ത​യോ​ടെ അ​വ​ർ ക​ണ്ണി​ൽ നോ​ക്കി​യി​രു​ന്നു. അ​ന്ന് രാ​ത്രി ആ​ലീ​സി​നെ ചേ​ർ​ത്തു​പി​ടി​ച്ച് ഇ​ന്ന​സെ​ന്‍റ് പ​റ​ഞ്ഞു “അ​ർ​ബു​ദം പ​ക​രു​മെ​ന്ന പേ​ടി വേ​ണ്ട. വെ​റു​തെ ടെ​സ്റ്റ് ചെ​യ്തി​ട്ട് കാ​ശ് പോ​വും എ​ന്ന വേ​വ​ലാ​തി​യും മാ​റി​ക്കി​ട്ടി​യി​ല്ലേ.. ന​മ്മ​ളി​പ്പോ​ൾ സ​ന്തു​ഷ്ട കാ​ൻ​സ​ർ കു​ടും​ബ​മാ​യി’’ .തനിക്ക് കാൻസർ ആണെന്ന് അറിഞ്ഞിട്ടും പതറാതിരുന്ന ആ മനുഷ്യൻ അന്ന് പതറി . നിറ കണ്ണുകളോടെ അയാൾ ഭാര്യയെ ചേർത്ത് പിടിച്ചു.

ജീ​വി​തം കാ​ത്തു​നി​ൽ​ക്കു​മ്പോ​ൾ ന​മു​ക്ക് എ​ങ്ങ​നെ​യാ​ണ് മ​രി​ക്കാ​ൻ സാ​ധി​ക്കു​ക. എ​ന്ത് വ​ന്നാ​ലും ജീ​വി​തം മ​നോ​ഹ​ര​മാ​ണ് എ​ന്ന് വി​ശ്വ​സി​ക്കാ​നാ​ണ് ഞാ​ൻ ഇ​ഷ്ട​പ്പെ​ടു​ന്ന​ത്. എ​നി​ക്ക് മ​നു​ഷ്യ​നെ സ​ഹാ​യി​ക്കാ​ൻ ഒ​രു മാ​ർ​ഗ​മേ ഉ​ള്ളൂ-​ചി​രി.’’ ആത്മകഥയിൽ ഇന്നസെന്റ് കുറിച്ചു.
ഇന്നസെന്റ് നിങ്ങൾ ഇനിയും ജീവിക്കും.നിറഞ്ഞു നിന്ന കഥാപാത്രങ്ങളിലൂടെ , മായാത്ത ഓർമ്മയിലൂടെ.