ഏറെ പ്രതീക്ഷകളോടെ പുറത്തിറങ്ങിയ മമ്മൂട്ടി ജ്യോതിക ചിത്രം കാതലിന് മികച്ച പ്രതികരണമാണ് പ്രേക്ഷകരിൽ നിന്നും ലഭിച്ചുകൊണ്ടിരിക്കുന്നത്. മമ്മൂട്ടിയുടെ ഇമോഷണൽ സീനുകളെല്ലാം തന്നെ മനോഹരമാണെന്നാണ് അഭിപ്രായങ്ങൾ ഉയരുന്നത്. ഇതോടൊപ്പം കാതലും മമ്മൂട്ടിയും സമൂഹ മാധ്യമങ്ങളിലും വൈറലാവുകയാണ്.
എന്റെ ദൈവമേ, ആ കരച്ചിൽ ഹൃദയത്തിൽ തൊട്ടു മമ്മുക്ക എന്നാണ് ഒരാൾ സിനിമ കണ്ടുകൊണ്ട് ഫേസ്ബുക്കിൽ കുറിച്ചത്. സൂപ്പർ സ്റ്റാർഡം നോക്കാതെ ഈ സിനിമ ഏറ്റെടുത്ത് ഇത്തരമൊരു ജീവിതം പകർന്നാടിയ മമ്മൂട്ടി എന്ന മാന്ത്രിക നടനോട് ‘ബഹുമാനം’ തോന്നുന്നു എന്നാണ് മറ്റൊരാൾ കുറിച്ചത്.
അതേസമയം, ‘എങ്ങും നിറഞ്ഞ കയ്യടി മാത്രം. റിവ്യൂകൾ മുഴുവനും പോസിറ്റീവ്. കാതലും സൂപ്പർഹിറ്റ്‌. ‘ബോക്സ്ഓഫീസി’ന് ‘മമ്മൂട്ടി ‘എന്ന് പേരിട്ടു വിളിച്ചാലും അത്ഭുതപ്പെടേണ്ട’, എന്നാണ് മമ്മൂട്ടിയുടെ പി ആർ ഒ റോബർട്ട് കാതലിന്റെ ചിത്രം പങ്കുവെച്ചുകൊണ്ട് കുറിച്ചത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
