അകാലിദൾ നേതാവും പഞ്ചാബിലെ മുൻ മുഖ്യമന്ത്രിയുമായിരുന്ന സുഖ്ബീർ സിങ് ബാദലിന് നേരെ വധശ്രമം. സുവർണ്ണ ക്ഷേത്രത്തിനുള്ളിൽ വെച്ച് വെടിയേൽക്കുകയായിരുന്നു. ദൽ ഖൽസ പ്രവർത്തകനായ നരെയ്ൻ സിങ് ആണ് സുഖ്ബീർ സിങ് ബാദലിന് നേരെ വെടിയുതിർത്തത്. ഇന്ന് രാവിലെയാണ് സംഭവമുണ്ടായത്.
പഞ്ചാബിലെ മുൻ മുഖ്യമന്ത്രിയായിരുന്ന സുഖ്ബീർ സിങ് ബാദൽ മതപരമായ ശിക്ഷ അനുഭവിച്ച് വരികയായിരുന്നു. ഇതിന്റെ ഭാഗമായി കാവൽ ഡ്യൂട്ടിയിൽ ഇരിക്കുമ്പോഴാണ് വിമത സംഘടനയായ ദൽ ഖൽസയുടെ പ്രവർത്തകൻ അമൃത്‌സറിലെ സുവർണ ക്ഷേത്രത്തിൻ്റെ പരിസരത്ത് സുഖ്ബീർ സിംഗ് ബാദലിന് നേരെ വെടിയുതിർത്തത്.
ബാദലിനും മറ്റ് മുതിർന്ന അകാലി നേതാക്കൾക്കും സിഖ് സമുദായത്തെ നയിക്കാൻ അവർ യോഗ്യരല്ലെന്ന് ചൂണ്ടിക്കാട്ടിയായിരുന്നു മതപരമായ ശിക്ഷ നൽകിയത്. ശിക്ഷാ വ്യവസ്ഥകൾ പ്രകാരം, അയാൾ ദിവസവും ഒരു മണിക്കൂർ ക്ഷേത്രത്തിൽ ‘സേവാദർ’ ആയി പ്രവർത്തിക്കണം. ആക്രമണത്തിൽ നിന്ന് കഷ്ടിച്ച് രക്ഷപ്പെട്ട ബാദൽ സുരക്ഷിതനാണെന്നാണ് വിവരം.
Also Read; മഹാരാഷ്ട്രയില്‍ ഭൂചലനം; അനുഭവപ്പെട്ടത് രണ്ട് ജില്ലകളില്‍
അതേസമയം, സുരക്ഷ ഒരുക്കുന്നതിൽ പഞ്ചാബ് സർക്കാർ പരാജയപ്പെട്ടെന്ന് എസ്എഡി ആരോപിച്ചു. ആക്രമണത്തിൻ്റെ ഉത്തരവാദിത്തം ആർ ഏറ്റെടുക്കും എന്ന് പഞ്ചാബ് സർക്കാർ ചോദിക്കുന്നതിൽ തങ്ങൾക്ക് വിശ്വാസമില്ലെന്ന് എസ്എഡി പറഞ്ഞു. അതിനിടെ, സുഖ്ബീർ സിങ് ബാദലിന് നരെയ്ൻ സിങ് ദേരാബാബയിലെ താമസക്കാരനാണെന്നും ദൽ ഖൽസയിൽ അംഗമാണെന്നും 2013ൽ യുഎപിഎ പ്രകാരം അറസ്റ്റ് ചെയ്യപ്പെട്ടുവെന്നും റിപ്പോർട്ടുണ്ട്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
