കുട്ടികളുടെ സംരക്ഷണത്തെ ചൊല്ലിയുണ്ടായ തർക്കത്തിനിടെ ഭാര്യയെ യുവാവ് കുത്തിക്കൊന്നു. മഹാരാഷ്ട്രയിലെ താനെയിലാണ് സംഭവം. 36 കാരിയായ അംറിനാണ് കൊല്ലപ്പെട്ടത്. ഇവരുടെ ഭർത്താവ് നദീം ഖാനെ പൊലീസ് അറസ്റ്റ് ചെയ്തു.
മിറ റോഡ് സ്വദേശികളായ ദമ്പതികൾക്ക് രണ്ടും പത്തും വയസുള്ള കുട്ടികളുണ്ട്. ഇവരുടെ സംരക്ഷണത്തെച്ചൊല്ലി ഇരുവരും തമ്മിൽ ഇടയ്ക്കിടെ വാക്കുതർക്കം ഉണ്ടായിട്ടുണ്ട്. കഴിഞ്ഞ ദിവസം ഇക്കാര്യം അറിയിക്കാൻ അംറിൻ പൊലീസ് സ്റ്റേഷനിൽ എത്തിയിരുന്നു. എന്നാൽ ഉദ്യോഗസ്ഥർ തിരക്കായതിനാൽ യുവതി സ്റ്റേഷനിൽ നിന്നും മടങ്ങി. ഇതിനിടെ നദീം അംറിനുമായി വഴിയിൽ വെച്ചു വാക്കുതർക്കം ഉണ്ടാകുകയും പിന്നാലെ യുവതിയെ കുത്തുകയുമായിരുന്നു.
ALSO READ; ആളിത്തിരി കൂടിയാലും കുഴപ്പമില്ല, യാത്ര കെങ്കേമമാക്കാം! ഇന്ത്യൻ നിരത്തുകളിൽ തരംഗമാകാൻ ഇമാക്സ് 7 റെഡി
സംഭവത്തിൽ നദീമിനെതിരെ പൊലീസ് കൊലക്കുറ്റം ചുമത്തിയിട്ടുണ്ട്. കേസിൽ പൊലീസ് വിശദമായ അന്വേഷണം തുടരുകയാണ്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
