‘ഒരു കുടുംബത്തിലെ മൂന്നുപേർ വീടിനുള്ളിൽ കുത്തേറ്റ് മരിച്ചനിലയിൽ…’; ട്രിപ്പിൾ മർഡർ ഷോക്കിൽ ദില്ലി

ട്രിപ്പിൾ മർഡർ ഷോക്കിൽ ദില്ലി. ഒരു കുടുംബത്തിലെ മൂന്ന് പേരെ മരിച്ച നിലയിൽ കണ്ടെത്തി. ഒരു പുരുഷനെയും, ഭാര്യയെയും, മകളെയുമാണ് മരിച്ച നിലയിൽ കണ്ടെത്തിയത്. അതേസമയം, പ്രഭാതസവാരിക്കിറങ്ങിയ മകൻ കൂട്ടക്കൊലയിൽ നിന്ന് രക്ഷപ്പെട്ടു. രാജേഷ് (53), ഭാര്യ കോമൾ (47), ഇവരുടെ 23 കാരിയായ മകൾ കവിത എന്നിവരാണ് കൊല്ലപ്പെട്ടത്.

Also Read; എരഞ്ഞിപ്പാലം ലോഡ്ജിലെ കൊലപാതകം; പ്രതി അബ്ദുൽ സനൂഫീനായി പൊലീസ് ഇന്ന് കസ്റ്റഡി അപേക്ഷ നൽകും

തെക്കൻ ദില്ലിയിലെ നെബ് സരായിലാണ് സംഭവം. ഇന്ന് രാവിലെയാണ് ഒരാളെയും ഭാര്യയെയും മകളെയും കുത്തേറ്റ് കൊല്ലപ്പെട്ട നിലയിൽ കണ്ടെത്തിയതെന്ന് പൊലീസ് അറിയിച്ചു. രാവിലെ നടക്കാനിറങ്ങിയ മകൻ രക്ഷപ്പെട്ടു. പുലർച്ചെ അഞ്ച് മണിയോടെ മകൻ പതിവ് പ്രഭാത നടത്തത്തിനായി വീട്ടിൽ നിന്ന് ഇറങ്ങിയതായിരുന്നു.

ഇയാൾ പ്രഭാത നടത്തിനുശേഷം വീട്ടിൽ തിരിച്ചെത്തിയപ്പോഴാണ് മാതാപിതാക്കളുടെയും സഹോദരിയുടെയും മൃതദേഹം കണ്ടത്. എല്ലാവരും കുത്തേറ്റ് മരിച്ച നിലയിലായിരുന്നു. ശബ്ദം കേട്ടതിനുപിന്നാലെ വീട്ടിലേക്ക് ഓടിയെത്തിയെന്ന് കൊല്ലപ്പെട്ടവരുടെ അയൽവാസി ഒരു വാർത്താ മാധ്യമത്തോട് പറഞ്ഞു.

Also Read; കാർ കത്തിച്ച് ഭാര്യയെ കൊന്ന സംഭവം: പത്മരാജൻ ലക്ഷ്യമിട്ടത് ഇരട്ട കൊലപാതകമെന്ന് എഫ്‌ഐആര്‍

“ഞങ്ങൾ എത്തിയതിന് ശേഷം, മകൻ ഞങ്ങളോട് പറഞ്ഞു, താൻ പ്രഭാത നടത്തത്തിന് പോയി, തിരിച്ചെത്തിയപ്പോൾ തൻ്റെ മാതാപിതാക്കളും സഹോദരിയും കുത്തേറ്റ് മരിച്ചു. ചുറ്റും രക്തം പരന്നിരിക്കുന്നതായി കണ്ടു. ഇത് അവരുടെ വിവാഹവാർഷികമാണെന്നും അദ്ദേഹം ഞങ്ങളോട് പറഞ്ഞു.” സംഭവത്തിൽ പൊലീസ് ഉദ്യോഗസ്ഥർ സംഭവസ്ഥലത്തെത്തി അന്വേഷണം ആരംഭിച്ചിട്ടുണ്ട്.