ഒരുതവണ പരീക്ഷിച്ച് നോക്കു ഈ വെറൈറ്റി മാമ്പഴ ചട്നി

ചെറുതായി പഴുത്ത മാമ്പഴങ്ങൾ ഉപയോഗിച്ച് തയ്യാറാക്കിയ മധുരവും പുളിയുമുള്ള മാമ്പഴ ചട്നി എങ്ങനെ ഉണ്ടാക്കാം എന്ന് നോക്കാം.

Also read:രുചികരമായ മാമ്പഴം ഇഡലി തയ്യാറാക്കാം

ചേരുവകൾ

മാമ്പഴം ( തൊലി കളഞ്ഞത് ) – ചെറുതായി അരിഞ്ഞത് രണ്ടെണ്ണം
വെള്ളം- കാൽ കപ്പ്
ഏലക്ക – പൊടിച്ചത് ( അര ടീസ് സ്പൂൺ )
ഇഞ്ചി – ചതച്ചത് ( അര ടീസ് സ്പൂൺ )
ഗ്രാമ്പു – പൊടിച്ചത് (കാൽ ടീസ് സ്പൂൺ )
കറുകപ്പട്ട- പൊടിച്ചതെ ( കാൽ ടീസ് സ്പൂൺ)
പഞ്ചസാര – ഒന്നര കപ്പ്
വിനാഗിരി – 1 ടീസ്പൂൺ
ചുവന്ന മുളക് പൊടി- 1/2 ടീസ്പൂൺ
ജീരകം പൊടി- 1/2 ടീസ്പൂൺ
ഉപ്പ് – ആവശ്യത്തിന്

Also read:‘മാമ്പഴത്തിൻ ചേലാണ്’, കഴിക്കാൻ മാത്രമല്ല മുഖം ഫേഷ്യൽ ചെയ്യാനും മാമ്പഴം സൂപ്പറാ…

ഉണ്ടാക്കുന്ന വിധം

ഒരു പാനിൽ 1/3 കപ്പ് വെള്ളം തിളപ്പിക്കുക. മാങ്ങ കഷ്ണങ്ങൾ ചേർത്ത് 4-5 മിനിറ്റ് കുറഞ്ഞ തീയിൽ വേവിക്കുക.

ഇതിലേക്ക് ഏലക്ക, ഇഞ്ചി, ഗ്രാമ്പൂ പൊടി, കറുവാപ്പട്ട പൊടി, പഞ്ചസാര എന്നിവ ചേർക്കുക. കഷ്ണങ്ങൾ നന്നായി വേവുന്നത് വരെ ഇളക്കി ചെറിയ തീയിൽ വേവിക്കുക.

മിശ്രിതം കട്ടിയാകുമ്പോൾ വിനാഗിരിയും ഉപ്പും ചേർക്കുക. ഇളക്കി 4-5 മിനിറ്റ് വേവിക്കുക.

തീ ഓഫ് ചെയ്ത് മിശ്രിതം ഊഷ്മാവിൽ തണുക്കാൻ അനുവദിക്കുക. ഇതിലേക്ക് ജീരകപ്പൊടിയും ചുവന്ന മുളകുപൊടിയും വിതറി നന്നായി ഇളക്കുക.

മധുരവും ചൂടുമുള്ള മാങ്ങാ ചട്ണി തയ്യാർ