മണിപ്പൂരിൽ മാസങ്ങളായി തുടരുന്ന സംഘര്‍ഷത്തിന് അയവില്ല.ചൊവ്വാ‍ഴ്ച രാവിലെ ഉണ്ടായ വെടിവെയ്പ്പില്‍ മുന്ന് പേര്‍ കൊല്ലപ്പെട്ടു. കാങ്പോക്പി ജില്ലയിലാണ് സംഭവം. കുക്കി വിഭാഗക്കാരാണ് കൊല്ലപ്പെട്ട മൂന്ന് പേരും. വെടിവെച്ചത് മെയ്തികളാണെന്നാണ് കുക്കി വിഭാഗം ആരോപിച്ചു.
കലാപം തുടങ്ങി 4 മാസം പിന്നിടുമ്പോഴും മണിപ്പൂരിൽ സംഘർഷങ്ങൾക്ക് ശമനമില്ല. ഏറ്റവും ഒടുവിലായി കാങ്പോക്പിയിൽ ഇന്ന് രാവിലെയുണ്ടായ വെടിവയ്പ്പിൽ കുക്കി വിഭാഗക്കാരായ മൂന്നുപേർക്ക് ജീവൻ നഷ്ടമായി. നിരവധിപ്പേർക്ക് പരുക്കേറ്റു. ഇന്നുരാവിലെ എട്ടരയോടെയായിരുന്നു വെടിവയ്പ്പ്. . പിന്നിൽ മെയ്തെയ്കളെന്ന് കുക്കി സംഘടനകൾ ആരോപിച്ചു. ഇതിനിടെ പൊലീസും കേന്ദ്രസുരക്ഷാസേനകളും തമ്മിൽ വീണ്ടും നേർക്കുനേർ വരുന്നതിന്റെ ദൃശ്യങ്ങൾ പുറത്തുവന്നു.
കേന്ദ്രസേനകളാണ് സംരക്ഷണം നൽകുന്നതെന്ന് കുക്കി സംഘടനകൾ പറയുമ്പോഴാണ്, മെയ്തെയ് വിഭാഗക്കാരെ സംരക്ഷിക്കുന്ന മണിപ്പുർ പൊലീസിലെ കമാൻഡോ വിഭാഗത്തിന്റെ പ്രകോപനപരമായ നീക്കം. സെപ്റ്റംബർ 8 ന് മൂന്ന് പേർ കൊല്ലപ്പെടുകയും 50 ഓളം പേർക്ക് പരിക്കേൽക്കുകയും ചെയ്ത തെങ്‌നൗപാൽ ജില്ലയിലെ പല്ലേലിൽ ഉണ്ടായ അക്രമത്തിന് തൊട്ടുപിന്നാലെയാണ് വീണ്ടും സംഘർഷമുണ്ടായത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
