പി പി ചെറിയാന്‍
ജോര്‍ജിയയില്‍ കൂട്ട വെടിവയ്പ്പില്‍ 4 പേര്‍ കൊല്ലപ്പെട്ടതായി പോലീസ് സ്ഥിരീകരിച്ചു. ശനിയാഴ്ച രാവിലെ 10.45ഓടെ അറ്റ്‌ലാന്റയുടെ തെക്ക് ഭാഗത്തുള്ള ഹാംപ്ടണിലാണ് സംഭവം. ശനിയാഴ്ച രാവിലെ ജോര്‍ജിയയിലെ ഹാംപ്ടണില്‍ നാല് പേരെ മാരകമായി വെടിവെച്ചുകൊന്ന തോക്കുധാരിക്കു വേണ്ടിയുള്ള തിരച്ചില്‍ തുടരുകയാണെന്ന് പൊലീസ് അറിയിച്ചു.
മൂന്ന് പുരുഷന്മാരെയും ഒരു സ്ത്രീയെയും വെടിവെച്ചുകൊന്ന സംഭവത്തില്‍ സംശയിക്കുന്ന ഹാംപ്ടണിലെ 40 കാരനായ ആന്ദ്രെ ലോംഗ്മോറെ തിരയുകയാണെന്ന് പൊലീസ് പറഞ്ഞു. കൊലപാതകത്തെക്കുറിച്ചുള്ള ചില വിവരങ്ങള്‍ ഉദ്യോഗസ്ഥര്‍ പുറത്തുവിട്ടു. ഒരു പരിധിയില്‍ വരുന്ന കുറഞ്ഞത് നാല് ക്രൈം സീനുകളെങ്കിലും ഡിറ്റക്ടീവുകള്‍ അന്വേഷിക്കുന്നുണ്ടെന്ന് ടര്‍ണര്‍ പറഞ്ഞു. ലോങ്മോര്‍ ഒരു ഹാംപ്ടണ്‍ നിവാസിയാണെന്ന് ടര്‍ണര്‍ കൂട്ടിച്ചേര്‍ത്തു.
Also Read: ‘മൃഗങ്ങള്‍ക്ക് സ്‌നേഹവും കരുതലും നല്‍കുക, അവ ഇരട്ടിയായി തിരിച്ചുതരും’- അനുശ്രീ
ജോര്‍ജിയ ടാഗുകളുള്ള 2017 ബ്ലാക്ക് ജിഎംസി അക്കാഡിയയിലാണ് ലോങ്മോര്‍ അവസാനമായി കണ്ടത്. ചാരനിറത്തിലുള്ള നീളമുള്ള പാന്റും ചുവന്ന നിറത്തിലുള്ള കറുത്ത ഷര്‍ട്ടുമാണ് ഇയാള്‍ ധരിച്ചിരുന്നതെന്ന് പൊലീസ് പറഞ്ഞു. വെടിവയ്പ്പിനുള്ള കാരണങ്ങളെകുറിച്ചോ സാധ്യമായ ഉദ്ദേശ്യത്തെക്കുറിച്ച് ചര്‍ച്ച ചെയ്യാന്‍ പോലീസ് വിസമ്മതിച്ചു. സംശയിക്കുന്നയാളെ സായുധനും അപകടകാരിയുമായി കണക്കാക്കുന്നു. അറസ്റ്റിലേക്ക് നയിക്കുന്ന വിവരം നല്‍കുന്നവര്‍ക്ക് ഷെരീഫിന്റെ ഓഫീസ് 10,000 ഡോളര്‍ പാരിതോഷികം പ്രഖ്യാപിച്ചു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
