കെഎസ്ആർടിസി ഡ്രൈവർ മോശമായി പെരുമാറിയ സംഭവത്തിൽ പ്രതികരിച്ച് തിരുവനന്തപുരം മേയർ ആര്യ രാജേന്ദ്രൻ. വാഹനത്തിനു സൈഡ് കൊടുത്തില്ല എന്ന രീതിയിൽ ഈ വിഷയം കാണരുത്. മോശം ആയിട്ടാണ് ഡ്രൈവർ പെരുമാറിയത്. ലഹരി വസ്തു വലിച്ചെറിഞ്ഞു. പൊലീസ് എത്തിയ ശേഷം ആണ് പ്രതികരണം മാന്യമായത്. ഈ ഡ്രൈവർക്ക് എതിരെ മുൻപും അശ്രദ്ധമായി വാഹനം ഓടിച്ചതിനു കേസ് ഉണ്ട്. 2017 ൽ വേറെ ഒരു കേസും ഉണ്ട്.
നിരന്തരമായി പ്രശനങ്ങൾ ഉണ്ടാക്കുന്ന ഡ്രൈവർ ആണ്. സ്ത്രീകൾ ആയ തങ്ങൾക്ക് എതിരെ മോശം പെരുമാറ്റം ആണ് ഉണ്ടായത്. ലൈംഗിക ചേഷ്ട കാണിച്ചത് കൊണ്ടാണ് പ്രതികരിച്ചത്. ജനപ്രതിനിധികൾ എന്നത് കൊണ്ടാണ് മാധ്യമങ്ങൾ ഇത്തരത്തിൽ ഈ വിഷയം കൈകാര്യം ചെയ്യുന്നതെന്നും ആര്യ രാജേന്ദ്രൻ പ്രതികരിച്ചു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
