തമ്പാനൂർ കെഎസ്ആർടിസി ബസ് സ്റ്റാൻഡിന് സമീപം ലോഡ്ജിൽ യുവതിയെ കഴുത്തറുത്ത് കൊന്ന് മധ്യവയസ്കൻ ആത്മഹത്യ ചെയ്തു

തിരുവനന്തപുരം: തമ്പാനൂർ കെഎസ്ആർടിസി ബസ് സ്റ്റാൻഡിന് സമീപം ലോഡ്ജിൽ യുവതിയെ കഴുത്തറുത്ത് കൊന്ന് മധ്യവയസ്കൻ ആത്മഹത്യ ചെയ്തു. പേയാട് സ്വദേശികളായ കുമാരൻ – ആശ എന്നിവരെയാണ് മരിച്ച നിലയിൽ കണ്ടെത്തിയത്.

ആശയെ കൊല്ലപ്പെടുത്തണമെന്ന ഉദ്ദേശത്തോടെ കുമാരൻ ലോഡ്ജിലേക്ക് വിളിച്ചുവരുത്തി എന്നാണ് പൊലീസിന്റെ പ്രാഥമിക നിഗമനം. മുറിക്കുള്ളിൽ മൽപിടുത്തം നടന്നതായുള്ള തെളിവ് പൊലീസിന് ലഭിച്ചു. ഇരുവരുടെയും ശരീരത്തിൽ ക്ഷതമേറ്റ പാടുകൾ ഉണ്ട്.

Also Read: നെയ്യാറ്റിൻകര സമാധിക്കേസ്: മൊഴികളിലെ വൈരുദ്ധ്യം അടക്കം അടിമുടി ദൂരുഹത; കല്ലറ തുറക്കാൻ കാത്ത് പൊലീസ്

തമ്പാനൂർ എസ് എച്ച് ഓയുടെ നേതൃത്വത്തിലാണ് സംഭവത്തിൽ അന്വേഷണം. ആശയെ കാണാനില്ല എന്ന് ഭർത്താവ് കഴിഞ്ഞദിവസം വിളപ്പിൽശാല പൊലീസിൽ പരാതി നൽകിയിരുന്നു. ഈ പരാതി അന്വേഷിച്ചു വരുന്നതിനിടയിലാണ് ആശയെ മരിച്ച നിലയിൽ തമ്പാനൂർ കെഎസ്ആർടിസി ബസ് സ്റ്റാൻഡിന് സമീപം ലോഡ്ജിൽ കണ്ടെത്തിയത്.

Also Read: തീക്കട്ടയില്‍ ഉറുമ്പരിക്കുന്നോ; മുംബൈ പൊലീസ് പരീക്ഷയില്‍ ‘മുന്നാഭായ് എംബിബിഎസ്’ മോഡല്‍ തട്ടിപ്പ്

ഫോറൻസിക് സംഘം സംഭവ സ്ഥലത്തെത്തി പരിശോധന നടത്തി തെളിവുകൾ ശേഖരിച്ചു. തുടർന്ന് രണ്ടുപേരുടെയും മൃതദേഹം പോസ്റ്റുമോർട്ടത്തിനായി മെഡിക്കൽ കോളേജിലേക്ക് മാറ്റി.