ജമ്മുകശ്മീരിലെ ഗന്ദേര്‍ബാല്‍ ജില്ലയില്‍ മൂന്ന് ഇതരസംസ്ഥാന തൊഴിലാളികളെ ഭീകരര്‍ വെടിവെച്ചു കൊന്നു. ആക്രമണത്തില്‍ അഞ്ചു പേര്‍ക്ക് പരിക്കേറ്റു. നിര്‍മാണം പുരോഗമിക്കുന്ന ഒരു തുരങ്കത്തിന് സമീപമാണ് സംഭവമെന്ന് അധികൃതര്‍ അറിയിച്ചു. സുരക്ഷാ സേന സംഭവസ്ഥലം വളഞ്ഞിട്ടുണ്ട്.
സെന്‍ട്രല്‍ കശ്മീരിലെ ഗന്ദേര്‍ബാല്‍ ജില്ലയിലെ സോനാമാര്‍ഗിനെ ഗഗന്‍ഗീറുമായി ബന്ധിപ്പിക്കുന്ന തുരങ്കത്തിന്റെ നിര്‍മാണത്തിനെത്തിയ തൊഴിലാളികളാണിവര്‍ എന്നാണ് പ്രാഥമിക വിവരം.
മുഖ്യമന്ത്രി ഒമര്‍ അബ്ദുള്ള സംഭവത്തില്‍ ശക്തമായി അപലപിച്ചു. ഒക്ടോബര്‍ 18ന് ബിഹാറില്‍ നിന്നുള്ള ഒരു കുടിയേറ്റ തൊഴിലാളിയെ ഭീകരര്‍ കൊലപ്പെടുത്തിയിരുന്നു. വെടിയേറ്റ് കൊല്ലപ്പെട്ട ഇയാളുടെ മൃതദേഹം ഷോപ്പിയാന്‍ ജില്ലയിലെ സൈനപോറയിലെ വഡുന പ്രദേശത്ത് നിന്നും പ്രാദേശികരാണ് കണ്ടെത്തിയത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
