കേന്ദ്ര വനമന്ത്രി ഭൂപെന്ദ്ര യാദവിനെതിരെ മന്ത്രി എകെ ശശീന്ദ്രൻ. വയനാട് ദുരന്തത്തിന്റെ കാരണം സംസ്ഥാന സർക്കാരാണെന്ന കേന്ദ്രമന്ത്രിയുടെ നിലപാട് ദൗർഭാഗ്യകരം. എല്ലാവരും ഒറ്റക്കെട്ടായി ദുരന്തബാധിതരെ രക്ഷപ്പെടുത്താനും സഹായിക്കാനും ശ്രമിക്കുകയാണ്. ഈ സമയത്ത് ദുരന്തത്തിന്റെ ഉത്തരവാദിത്തം ആരുടെയെങ്കിലും തലയിൽ കെട്ടിവെച്ച് രക്ഷപെടാൻ ശ്രമിക്കുന്നത് അപലപനീയമെന്നും മന്ത്രി എകെ ശശീന്ദ്രൻ.
കേന്ദ്രം സ്വന്തം തെറ്റ് ആരുടെയെങ്കിലും തലയിൽ കെട്ടിവെച്ച് കൈ കഴുകാനുള്ള ശ്രമമാണ് ഇപ്പോൾ നടക്കുന്നതെന്ന് സംശയം. കേന്ദ്രത്തിന്റെ ഉത്തരവാദിത്വത്തിൽ നിന്ന് ഒഴിഞ്ഞുമാറാനുള്ള ശ്രമത്തിന്റെ തുടക്കമാണ് ഇത്തരം പരാമർശങ്ങൾ. ദേശീയ ദുരന്തമായി പ്രഖ്യാപിക്കണമെന്ന് ആവശ്യം നിർവഹിക്കാതിരിക്കാൻ ഉള്ള അന്തരീക്ഷം സൃഷ്ടിക്കുകയാണ് കേന്ദ്രമന്ത്രിയെന്ന് വനം വന്യജീവി വകുപ്പ് മന്ത്രി എകെ ശശീന്ദ്രൻ.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
