വിപണി ഇടപെടലിനായി കേന്ദ്രത്തിൽ നിന്ന് ഒരു സഹായവും ലഭിക്കുന്നില്ല; ഇത് മറികടക്കാൻ ശക്തമായ നടപടി സ്വീകരിച്ചു: മന്ത്രി ജി ആർ അനിൽ

വിപണി ഇടപെടലിനായി കേന്ദ്ര സർക്കാരിൽ നിന്ന് ഒരു സഹായവും ലഭിക്കുന്നില്ലെന്നും ഇത് ബാധിക്കാതിരിക്കാൻ സർക്കാർ ശക്തമായ നടപടി സ്വീകരിച്ചുവെന്നും മന്ത്രി ജി ആർ അനിൽ. നിയമസഭാ സമ്മേളനത്തിന്റെ ചോദ്യോത്തര വേളയിൽ സംസാരിക്കുകയായിരുന്നു അദ്ദേഹം. നെൽകർഷകർക്ക് ലഭിക്കേണ്ട താങ്ങുവില കേന്ദ്രം തടഞ്ഞു വച്ചിരിക്കുകയാണ്. ഈ നഷ്ടം സഹിച്ചുകൊണ്ടും കെ റൈസ് വിതരണം ചെയ്യുകയാണ്. 41 രൂപയുടെ അരി 12 രൂപ കുറച്ചാണ് വിതരണം ചെയുന്നത്. കേന്ദ്രസർക്കാരിന്റെ തെറ്റായ നടപടികൾ കാരണം അർഹരായവർക്ക് റേഷൻ ലഭിക്കുന്നില്ല.

Also Read: 18 സീറ്റ് കിട്ടിയിട്ടും തമ്മിലടി തീരാതെ കോൺഗ്രസ്; തൃശൂർ ചേലക്കരയിൽ രമ്യ ഹരിദാസിനെതിരെ പോസ്റ്റർ

എല്ലാ കുടുംബങ്ങൾക്കും റേഷൻ കാർഡ് നൽകുക എന്നതാണ് സർക്കാർ നയം. കേന്ദ്രസർക്കാർ നയം മണ്ണെണ്ണ വിതരണത്തിലും പ്രതിസന്ധി ഉണ്ടാക്കുന്നു. നവകേരള സദസ്സിൽ ഭക്ഷ്യവകുപ്പിന് ലഭിച്ച 97% പരാതികൾ തീർപ്പാക്കി. ഇതുവരെ 23.68 ലക്ഷം പേർ കെ റൈസ് വാങ്ങിയിട്ടുണ്ട്. സംസ്ഥാനത്ത് ഭക്ഷ്യവിതരണം താറുമാറായെന്ന് ചില കേന്ദ്രങ്ങൾ പ്രചരിപ്പിക്കുന്നു. പർവതീകരിച്ചുള്ള വാർത്തകൾ നൽകുന്നു. 70% റേഷൻ കടകളിലും രണ്ട് മാസത്തേക്കുള്ള സാധങ്ങൾ നിലവിലുണ്ട്.

Also Read: പാക്കിസ്ഥാനെതിരായ മത്സരത്തിൽ ഇന്ത്യക്ക് ആവേശ വിജയം; അവസാന ഓവറിൽ 3 വിക്കറ്റെടുത്ത് ബൂംറ