പ്രധാന പ്രതിയാരാണ്? അതും ചാൻസലർ തന്നെ! അപ്പോൾ ഇരട്ട ശിക്ഷ ആർക്ക് നൽകണം? ഫേസ്ബുക്ക് കുറിപ്പ് പങ്കുവെച്ച് മന്ത്രി പി രാജീവ്

വൈസ് ചാൻസലർമാരെ പുറത്താക്കിയ ചാൻസലറുടെ ഉത്തരവ് വായിച്ചാൽ ആരെയായിരുന്നു പുറത്താക്കേണ്ടിയിരുന്നതെന്ന് ആരും ചിന്തിച്ചുപോകുമെന്ന് മന്ത്രി പി രാജീവ്. തൻറെ ഫേസ്ബുക്ക് പേജിലാണ് അദ്ദേഹം ഇക്കാര്യം കുറിച്ചത്. ഒന്നാമത്തെ കുറ്റം സെലക്ട് കമ്മിറ്റി യുജിസി മാർഗനിർദ്ദേശങ്ങൾക്ക് അനുസരിച്ചല്ലയെന്നതാണെന്നും മന്ത്രി ഫേസ്ബുക്കിൽ കുറിച്ചു.

ഫേസ്ബുക്ക് പോസ്റ്റിന്റെ പൂർണരൂപം,

ശിക്ഷിക്കപ്പെട്ട വൈസ് ചാൻസലർമാരുടെ കുറ്റം എന്തായിരിക്കും? യുജിസി നിഷ്കർഷിക്കുന്ന എല്ലാ യോഗ്യതയുമുള്ളവർ ഈ കമ്മിറ്റിയുടെ മുമ്പിൽ ഇൻറർവ്യുവിന് ഹാജരായിട്ടുണ്ട്. അവരോട് നിരവധി ചോദ്യങ്ങൾ കമ്മിറ്റി ചോദിച്ചിട്ടുണ്ടാകാം, അവർ മറുപടിയും നൽകിയിട്ടുണ്ടാകും. എന്നാൽ, അവർ ഒരു തെറ്റ് ചെയ്തു! ആദ്യം അവർ സെലക്ട് കമ്മിറ്റി അംഗങ്ങളോട് നിങ്ങളെല്ലാം യുജിസി നിഷ്കർഷിക്കുന്ന യോഗ്യതയുള്ളവരാണോയെന്ന് അങ്ങോട്ട് ചോദിക്കണമായിരുന്നു.. അത് ഉറപ്പുവരുത്തിവേണമായിരുന്നു ചോദ്യങ്ങൾ ചോദിക്കാൻ അനുവദിക്കേണ്ടത്!