കോട്ടയം ജില്ലയിൽ ഉയരുന്നു മൂന്ന് സ്വകാര്യ വ്യവസായ പാർക്കുകൾ; ഇടതുപക്ഷത്തിന്റെ മറ്റൊരു വാഗ്ദാനം കൂടി സാക്ഷാത്കാരമാകുന്നു; മന്ത്രി പി രാജീവ്

സംസ്ഥാനത്തിൻ്റെ സമ്പദ് വ്യവസ്ഥക്ക് പുത്തൻ ഉണർവ്വ് നൽകുക എന്ന ഇടതുപക്ഷത്തിന്റെ പ്രകടന പത്രികയിലെ മറ്റൊരു വാഗ്ദാനം കൂടി സാക്ഷാത്കാരമാകുകയാണെന്ന് മന്ത്രി പി രാജീവ്. സർക്കാരിന് കീഴിൽ 11 സ്വകാര്യ വ്യവസായ പാർക്കുകൾ നിർമാണം ആരംഭിച്ചിരി ക്കുകയാണെന്നും അതിൽ 3 എണ്ണം കോട്ടയം ജില്ലയിലാണെന്നും മന്ത്രി കുറിച്ചു. 11 സ്വകാര്യ വ്യവസായ പാർക്കുകളുടെ നിർമ്മാണം പൂർത്തിയാകുന്നതോടെ ചെറുതും വലുതുമായ നിരവധി നിക്ഷേപങ്ങൾ കേരളത്തിലേക്ക് കടന്നുവരുമെന്നുമാണ് പ്രതീക്ഷിക്കുന്നതെന്നും മന്ത്രി ഫേസ്ബുക്കിൽ കുറിച്ചു.

ALSO READ:തീതുപ്പുന്ന മയില്‍; 87 ലക്ഷം പേര്‍ കണ്ട വീഡിയോയ്ക്ക് പിന്നില്‍
മന്ത്രി പി രാജീവിന്റെ ഫേസ്ബുക് പോസ്റ്റ്
സ്വകാര്യവ്യവസായ പാർക്കുകൾ എന്ന സങ്കൽപം കേരളത്തിൽ ആദ്യമായി അവതരിപ്പിക്കുന്നതും നടപ്പിലാക്കുന്നതും ഇടതുപക്ഷ ജനാധിപത്യ മുന്നണി സർക്കാരാണ്. ഇതാ ഇന്ന് ഈ സർക്കാരിന് കീഴിൽ 11 സ്വകാര്യ വ്യവസായ പാർക്കുകൾ നിർമാണം ആരംഭിച്ചിക്കുമ്പോൾ അതിൽ 3 എണ്ണം കോട്ടയം ജില്ലയിലാണ്. രണ്ടാം പിണറായി സർക്കാർ അധികാരത്തിലേറി ഒരു വർഷത്തിനുള്ളിൽ സ്വകാര്യ വ്യവസായ പാർക്കുകൾ ആരംഭിക്കുന്നവർക്ക് 3 കോടി രൂപ വരെ സാമ്പത്തിക സഹായവും ഉറപ്പ് നൽകിക്കൊണ്ട് പുതിയ പദ്ധതി ആവിഷ്കരിച്ചതോടെയാണ് കോട്ടയം ജില്ലയിലും വ്യവസായ പാർക്കുകൾ ആരംഭിക്കാനുള്ള കളമൊരുങ്ങിയത്.