സംസ്ഥാന യുവജന ക്ഷേമ ബോർഡിൻ്റെ ആഭിമുഖ്യത്തിൽ പുറത്തിറക്കുന്ന യുവാക്ഷരി എന്ന പുസ്തകത്തിൻ്റെ പ്രകാശനം തൃശൂരിൽ നടന്നു. സാഹിത്യ അക്കാമിയിൽ നടന്ന ചടങ്ങിൽ ഉന്നത വിദ്യാഭ്യാസ മന്ത്രി ഡോ. ആർ ബിന്ദു പ്രകാശന കർമ്മം നിർവഹിച്ചു. കൈരളി ചാനൽ റിപ്പോർട്ടറും കവിയുമായ ജോസിൽ സെബാസ്റ്റ്യൻ, യുവ എഴുത്തുകാരായ രാഖി ആർ ആചാരി, റൂബി ഫൈസൽ, ആതിര, പി പി അജേഷ്, ജിതീഷ് ജീവാനന്ദ് എന്നിവർ ചേർന്ന് പുസ്തകം ഏറ്റുവാങ്ങി.
യുവജന ക്ഷേമ ബോർഡ് അംഗം ഷെനിൻ മന്ദിലാട് അധ്യക്ഷത വഹിച്ചു. 72 യുവ എഴുത്തുകാരുടെ കഥകളും കവിതകളുമാണ് യുവാക്ഷരിയിൽ ഉൾപ്പെടുത്തിയിട്ടുള്ളത്. യുവജനക്ഷേമ ബോർഡ് സംഘടിപ്പിച്ച സാഹിത്യ ക്യാമ്പുകളുടെ തുടർച്ചയായാണ് പുസ്തകം പ്രസിദ്ധീകരിച്ചത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
