മോഷണക്കുറ്റം ആരോപിച്ച് പ്രായപൂര്‍ത്തിയാകാത്ത കുട്ടിയുടെ കൈകെട്ടി കനല്‍നിറഞ്ഞ കല്‍ക്കരിക്ക് മുകളില്‍ തല കീഴായി കെട്ടിതൂക്കി. മധ്യപ്രദേശിലെ മോഹ്ഗാവില്‍ നടന്ന സംഭവത്തിന്റെ വീഡിയോ പുറത്തുവന്നതോടെ മൂന്നൂ പേരെ പൊലീസ് അറസ്റ്റ് ചെയ്തു. പണ്ടുര്‍ണ ജില്ലയുടെ ആസ്ഥാനത്ത് നിന്നും 30 കിലോമീറ്റര്‍ അകലെയാണ് സംഭവം. വാച്ചും മറ്റ് സാധനങ്ങളും കുട്ടി മോഷ്ടിച്ചുവെന്ന് ആരോപിച്ചാണ് ക്രൂരത.
അനധികൃതമായി തടവിലാക്കുക, കിഡ്ണാപ്പ് ചെയ്യുക, മുറിവേല്‍പ്പിക്കുക തുടങ്ങി നിരവധി കുറ്റങ്ങള്‍ ചുമത്തിയാണ് സംഭവത്തില്‍ പൊലീസ് അറസ്റ്റ് രേഖപ്പെടുത്തിയിരിക്കുന്നത്. ഒരു കുട്ടിയെ തലകീഴായി കെട്ടിതൂക്കിയതിന് പുറമേ മറ്റ് രണ്ട് കുട്ടികളെ നിര്‍ബന്ധിച്ച് മുളക്പുക ശ്വസിപ്പിക്കുകയും ചെയ്തിട്ടുണ്ട്.
ഇതിനെതിരെ കോണ്‍ഗ്രസ് നേതാവ് കമല്‍നാഥ് രംഗത്തെത്തിയിട്ടുണ്ട്. നിയമം കൈയ്യിലെടുക്കാന്‍ ആരെയും അനുവദിക്കരുതെന്നും സംസ്‌കാരമുള്ള ഒരു സമൂഹത്തില്‍ ഇത്തരം സംഭവങ്ങള്‍ സംഭവിക്കാന്‍ പാടില്ലെന്നും അദ്ദേഹം എക്‌സില്‍ കുറിച്ചു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
