കേദാര്‍നാഥില്‍ കാണാതായ തിരുവനന്തപുരം വട്ടിയൂര്‍ക്കാവ് സ്വദേശി മുത്തന്‍ പെരുമാള്‍ പിള്ളയുടെ മൃതദേഹം കണ്ടെത്തി. ഇയാള്‍ അപകടത്തില്‍പ്പെട്ടതാകാമെന്ന് പൊലീസ് പറഞ്ഞു. മൃതദേഹത്തിന് അരികില്‍ നിന്ന് ബാഗും കണ്ടെടുത്തു. സംഭവം അറിഞ്ഞതിന് പിന്നാലെ പുത്തന്‍ പെരുമാള്‍ പിള്ളയുടെ മകന്‍ കേദാര്‍നാഥിലേക്ക് യാത്ര തിരിച്ചു.
തിരുവനന്തപുരത്ത് നിന്നും 27 പേരുടെ സംഘമാണ് തീര്‍ഥാടനയാത്രയ്ക്ക് പോയത്. സെപ്റ്റംബര്‍ 29ന് ദില്ലിയിലെത്തി. ഒക്ടോബര്‍ അഞ്ചിനാണ് സംഘം കേദാര്‍നാഥിലെത്തിയത്. കേദാര്‍നാഥില്‍നിന്നും രാംപുരി എന്ന ബേസ് ക്യാമ്പിലേക്ക് നടന്നുവരുന്ന വഴിയാണ് മുത്തന്‍ പെരുമാളിനെ കാണാതായത്. തെരച്ചില്‍ നടത്തിയെങ്കിലും കണ്ടെത്താനായിരുന്നില്ല.
ALSO READ:യമുനയിൽ വിഷജലം; ദില്ലിയിൽ ജലക്ഷാമം
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
