‘നമ്മുടെ ഹൃദയങ്ങളിൽ അദ്ദേഹം അനശ്വരനായി ജീവിക്കും’; പി ജയചന്ദ്രനെ അനുസ്മരിച്ച് എം കെ സാനുമാസ്റ്റർ

പി. ജയചന്ദ്രന്റെ വിയോഗത്തില്‍ അനുശോചനം രേഖപ്പെടുത്തി എം കെ സാനുമാസ്റ്റർ. ജയചന്ദ്രൻ്റെ മരണം അതീവ ദുഃഖകരം. സംഗീത ലോകത്തിലെ ഏകാന്തപഥികനായിരുന്നു പി ജയചന്ദ്രൻ. സംഗീത രംഗത്ത് വ്യക്തി വൈശിഷ്ട്യം ഉള്ളയാളായിരുന്നു ജയചന്ദ്രൻ. നമ്മുടെ ഹൃദയങ്ങളിൽ അദ്ദേഹം അനശ്വരനായി ജീവിക്കുമെന്നും എം കെ സാനുമാസ്റ്റർ പറഞ്ഞു.

Also read: ‘പി ജയചന്ദ്രന്റെ വിയോഗം വ്യക്തിപരമായ നഷ്ടം, ഞങ്ങളുടേത് സഹോദര തുല്യമായ ബന്ധം’: ശ്രീകുമാരന്‍ തമ്പി

അതേസമയം, അന്തരിച്ച ഗായകൻ പി ജയചന്ദ്രന്റെ സംസ്കാരം നാളെ നടക്കും. പറവൂർ ചേന്ദമംഗലം പാലയത്ത് തറവാട്ടിലാണ് സംസ്കാര ചടങ്ങുകൾ. തൃശ്ശൂർ അമല ആശുപത്രിയിലെ മോർച്ചറിയിൽ സൂക്ഷിച്ചിട്ടുള്ള മൃതദേഹം ഇന്ന് രാവിലെ 8 മണിക്ക് പൂങ്കുന്നത്തെ വസതിയിൽ പൊതുദർശനത്തിന് വയ്ക്കും. തുടർന്ന് 10 മണിക്ക് സംഗീത നാടക അക്കാദമി റീജണൽ തീയേറ്ററിൽ പൊതുദർശനം നടത്തും.

Also read: യൂത്ത് കോണ്‍ഗ്രസ് ക്രൂരതയ്ക്ക് മൂന്നാണ്ട്; ഇന്ന് ധീരജ് രക്തസാക്ഷി ദിനം

12.30 ന് പൂങ്കുന്നത്തെ വീട്ടിലേക്ക് കൊണ്ടുപോകുന്ന മൃതദേഹം ഇന്ന് അവിടെ പൊതുദർശനത്തിന് വയ്ക്കും. നാളെ രാവിലെ എട്ടരയോടെ ആയിരിക്കും പറവൂർ ചേന്ദമംഗലത്തേക്ക് കൊണ്ടുപോവുക. നാളെ വൈകുന്നേരം മൂന്നരയ്ക്കാണ് സംസ്കാരം. ജയചന്ദ്രന്റെ വിയോഗത്തിൽ മലയാള സിനിമയിലെ പ്രമുഖരടക്കം അനുശോചനം രേഖപ്പെടുത്തി.