കാനിലെ ഇന്ത്യന്‍ താരങ്ങളെ അഭിനന്ദിച്ച് മോഹന്‍ലാല്‍. താരം സോഷ്യൽ മീഡിയയിൽ പങ്കുവെച്ച പോസ്റ്റിൽ ‘ഓള്‍ വി ഇമാജിന്‍ ആസ് ലൈറ്റ്’ എന്ന ചിത്രത്തിലൂടെ ഇന്ത്യയുടെ യശസ്സ് ഉയര്‍ത്തിയ താരങ്ങളോട് സ്‌നേഹവും നന്ദിയും അറിയിക്കുന്നുവെന്നാണ് കുറിച്ചത്.
‘പായല്‍ കപാഡിയ, കനി കുസൃതി, ദിവ്യപ്രഭ, ഛായാ കദം എന്നിങ്ങനെ ഇന്ത്യന്‍ സിനിമയ്ക്ക് സുപ്രധാനമായ ഒരു നിമിഷമാണിത്, ഒപ്പം ‘ഓള്‍ വി ഇമാജിന്‍ ആസ് ലൈറ്റ്’ എന്നതിന് പിന്നിലെ പ്രതിഭാധനരായ ടീമും മഹത്വത്തില്‍ കുതിക്കുകയാണ്! അനസൂയ സെന്‍ഗുപ്തയ്ക്കും പ്രശസ്തനായ സന്തോഷ് ശിവനുമുള്ള അവരുടെ മഹത്തായ സംഭാവനയ്ക്ക്, ഇന്ത്യയുടെ യശസ്സ് ഉയര്‍ത്തിയതിന് സ്‌നേഹവും നന്ദിയും അറിയിക്കുന്നു’ എന്നാണ് മോഹൻലാൽ കുറിച്ചത്.
also read: “നരേന്ദ്രമോദി വീണ്ടും മുഖ്യമന്ത്രിയാകണം”; നാക്കുപിഴയുമായി നിതീഷ് കുമാര്‍, പരിഹസിച്ച് സോഷ്യല്‍ മീഡിയ
കാനിൽ ഒരു ഇന്ത്യൻ ചിത്രം നേടുന്ന ആദ്യത്തെ പുരസ്‌കാരമാണ് ഓൾ വീ ഇമാജിൻ ആസ് ലൈറ്റിന് ലഭിച്ചത്.22 ചിത്രങ്ങളാണ് മത്സരത്തിനുണ്ടായിരുന്നത്. കാനിലെ ഏറ്റവും വലിയ രണ്ടാമത്തെ പുരസ്‌കാരമാണ് ഓൾ വീ ഇമാജിൻ ആസ് ലൈറ്റ്. പായൽ കപാഡിയ സംവിധാനം ചെയ്‌ത ചിത്രം മൂന്ന് ഭാഷകളിലായിട്ടാണ് പുറത്തിറങ്ങിയത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
