കള്ളപ്പണമായി പാലക്കാട് ജില്ലയിൽ ഇതുവരെ പിടികൂടിയത് 1.56 കോടി രൂപ എന്ന് കണക്കുകൾ. വിവിധ പരിശോധനകളിലാണ് പണം പിടികൂടിയത്. 1.07 കോടി രൂപ ആദായ നികുതി വകുപ്പും 49.82 ലക്ഷം രൂപ സംസ്ഥാന പൊലീസും പിടികൂടി.
Also Read; ജമ്മു കാശ്മീര്‍ പ്രത്യേക പദവി പുനഃസ്ഥാപിക്കണമെന്ന ആവശ്യത്തില്‍ മൂന്നാംദിനവും നിയമസഭയില്‍ സംഘര്‍ഷം
ഉപതിരഞ്ഞെടുപ്പുമായി ബന്ധപ്പെട്ട് വിവിധ സ്ക്വാഡുകളുടെയും പൊലീസ്, എക്സൈസ്, ആദായ നികുതി തുടങ്ങി വിവിധ വകുപ്പുകളുടെയും നേതൃത്വത്തിലാണ് പരിശോധന നടക്കുന്നത്. 1.56 കോടിയുടെ കള്ളപണത്തിന് പുറമേ ഒരു കോടി രൂപയുടെ മദ്യവും മയക്കുമരുന്നും ഇതുവരെ പിടിച്ചിട്ടുണ്ട്. ഉപതിരഞ്ഞെടുപ്പിന്റെ ഭാഗമായി സാധാരണ നടക്കുന്ന പരിശോധനയാണ് കോൺഗ്രസിൻ്റെയും യുഡിഎഫിൻ്റെയും നേതൃത്വത്തിൽ അട്ടിമറിച്ചത്.
സ്വകാര്യ ഹോട്ടലിൽ നടന്ന പരിശോധനക്കെതിരെ തടസം നിൽക്കുകയായിരുന്നു കോൺഗ്രസ് നേതൃത്വം’. കള്ളപണം യുഡിഎഫ് എത്തിച്ചതായുള്ള ആരോപണം നിലനിൽക്കെയായിരുന്നു പോലീസ് പരിശോധന. ഹോട്ടലിലെ പരിശോധനയുമായി ബന്ധപ്പെട്ട് തെരഞ്ഞെടുപ്പ് കമ്മീഷന് റിപ്പോര്‍ട്ട് നല്‍കിയതായുള്ള മാധ്യമ വാര്‍ത്ത വസ്തുതാ വിരുദ്ധമാണെന്ന് ജില്ലാ കളക്ടര്‍ ഡോ.എസ്.ചിത്ര അറിയിച്ചു. യുഡിഎഫിനെതെരെ കള്ളപ്പണതെളിവുകൾ പുറത്തുവരുമ്പോഴാണ് മാധ്യമങ്ങൾ വ്യാജ വാർത്തകൾ പ്രചരിപ്പിക്കുന്നത്
അതിനിടെ പാലക്കാട്ടെ കുഴൽപ്പണ ആരോപണത്തിൽ തെരഞ്ഞെടുപ്പ് കമ്മീഷൻ റിപ്പോർട്ട് തേടി. പാലക്കാട് ജില്ല കളക്ടറോടാണ് തെരഞ്ഞെടുപ്പ് കമ്മീഷൻ റിപ്പോർട്ട് തേടിയത്. ഉടൻ റിപ്പോർട്ട് നൽകണം എന്നാണ് നിർദ്ദേശിച്ചിരിക്കുന്നത്. സമയപരിധി കൃത്യമായി പറഞ്ഞിട്ടില്ല. ചൊവ്വാഴ്ച രാത്രി 12നാണ് പാലക്കാട് നഗരമധ്യത്തിലെ കെ പി എം റീജൻസിയിൽ പൊലീസ് പരിശോധന നടത്തിയത്.
ഒരു തമിഴ്‌നാട് രജിസ്‌ട്രേഷന്‍ വാഹനത്തില്‍ ഹോട്ടലിലേക്ക് വന്‍തോതില്‍ പണം എത്തിച്ചെന്ന വിവരത്തെ തുടർന്നായിരുന്നു പൊലീസ് പരിശോധന നടത്തിയത്.കോടികളുടെ കള്ളപണമാണ് പാലക്കാട് നിന്നും പിടികൂടിയത്. ഒരു കോടി 7 ലക്ഷരൂപ ആദായ നികുതി വകുപ്പും 49 ലക്ഷത്തി 82 ആയിരം രൂപ സംസ്ഥാന പൊലീസുമാണ് പിടിച്ചത്.
News summary; 1.56 crore black money has been seized from Palakkad
Black money, Palakkad, Department of Income Tax, Kerala Police
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
