മത്തിക്കറിയില്ലാത്ത ഒരു ഊണിനെ കുറിച്ച് മലയാളികള്‍ക്ക് ചിന്തിക്കാന്‍ കൂടി കഴിയില്ല. ഉച്ചയ്ക്ക് നല്ല ചൂട് ചോറിനൊപ്പം കുടംപുളിയിട്ട എരിവൂറുന്ന മത്തിക്കറി കൂടിയുണ്ടെങകില്‍ പറയുകയേ വേണ്ട. നല്ല കിടിലന്‍ മത്തിക്കറി തയ്യാറാക്കുന്നത് എങ്ങനെയെന്ന് നോക്കിയാലോ ?
ചേരുവകള്‍
മത്തി – 12 എണ്ണം
ഉലുവ – 1/4 ടീസ്പൂണ്‍
ഇഞ്ചി വെളുത്തുള്ളി ചതച്ചത്
ചെറിയ ഉള്ളി – 10 എണ്ണം
പച്ചമുളക് – 3 എണ്ണം
തക്കാളി – 1 എണ്ണം
കുടംപുളി – 3 എണ്ണം
കറിവേപ്പില, ഉപ്പ് – ആവശ്യത്തിന്
തയ്യാറാക്കുന്ന വിധം
മത്തി നന്നായി വൃത്തിയാക്കി കഴുകി എടുത്തു വരഞ്ഞെടുക്കാം.
കുറച്ചു കുടംപുളി ചെറിയ ചൂടുവെള്ളത്തില്‍ മുക്കി വയ്ക്കുക.
മണ്‍ചട്ടി അടുപ്പത്തു വച്ചു ചൂടാക്കുക. അതിലേക്ക് 2 ടേബിള്‍ സ്പൂണ്‍ വെളിച്ചെണ്ണ ഒഴിച്ച് ഇതിലേക്ക് 1/4 ടീസ്പൂണ്‍ ഉലുവ, ഇഞ്ചി, വെളുത്തുള്ളി ചതച്ചത്, 10 ചെറിയ ഉള്ളി ചതച്ചത്, 3 പച്ചമുളക് കീറിയത്, കറിവേപ്പില, തക്കാളി എന്നിവ ചേര്‍ത്തു നന്നായി ഇളക്കി എടുക്കുക.
കുടംപുളിയും മസാലപ്പൊടികളും മത്തിയും ചേര്‍ത്തു വേവിച്ചെടുക്കാം.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
