നാമജപ ഘോഷയാത്ര; കേസ് റദ്ദാക്കണമെന്നാവശ്യപ്പെട്ടുള്ള ഹർജി ഹൈക്കോടതി ഇന്ന് പരിഗണിക്കും

തിരുവനന്തപുരത്ത് എൻ എസ് എസ് നടത്തിയ പ്രതിഷേധ പ്രകടനത്തിനെതിരെ എടുത്ത കേസ് റദ്ദാക്കണമെന്നാവശ്യപ്പെട്ടുള്ള ഹർജി ഹൈക്കോടതി തികളാഴ്ച പരിഗണിക്കും. എൻ എസ് എസ് വൈസ് പ്രസിഡണ്ട് സംഗീത് കുമാറാണ് കൻ്റോൺമെൻ്റ് പൊലീസ് രജിസ്റ്റർ ചെയ്ത കേസിനെതിരെ ഹൈക്കോടതിയെ സമീപിച്ചത്.

also read; ആര്‍.എല്‍.വി രഘുനാഥ് കഥകളിയ്ക്കിടെ കുഴഞ്ഞു വീണു മരിച്ചു

മിത്ത് വിവാദവുമായി ബന്ധപ്പെട്ട് ഈ മാസം രണ്ടിനായിരുന്നു നാമജപയാത്ര എന്ന പേരിൽ എൻ എസ് എസ് പ്രതിഷേധ പ്രകടനം നടത്തിയത്. ഗതാഗതം തടസ്സപ്പെടുത്തിയതിനും, നിയമവിരുദ്ധമായി സംഘം ചേർന്നതിനുമാണ് സംഗീത് കുമാറിനും കണ്ടാലറിയാവുന്ന ആയിരം പേർക്കുമെതിരെ കേസ്സ് എടുത്തത്. മാർഗ്ഗതടസ്സമുണ്ടാക്കിയില്ലെന്നും, തങ്ങൾക്കെതിരെ ചുമത്തിയ കുറ്റങ്ങൾ നിലനിൽക്കില്ലെന്നുമാണ് ഹർജിയിലെ വാദം. ജസ്റ്റിസ് രാജാവിജയരാഘവൻ്റെ ബഞ്ച് പതിനെട്ടാമത്തെ ഇനമായി തികളാഴ്ച കേസ് പരിഗണിക്കും.

also read; ശോഭാ സുരേന്ദ്രന്‍റെ പുതിയ ചുമതല: ഔദ്യോഗിക പക്ഷത്തിന്‍റെ തന്ത്രമെന്ന് വിലയിരുത്തല്‍