പാക്കപ്പ്..! ധ്യാനം അവസാനിപ്പിച്ച് മോദി പുറത്തിറങ്ങി

രണ്ട് ദിവസത്തെ ഏകാന്ത ധ്യാനം അവസാനിപ്പിച്ച് പ്രധാനമന്ത്രി നരേന്ദ്ര മോദി പുറത്തിറങ്ങി. കന്യാകുമാരിയിലെ ഗസ്റ്റ് ഹൗസിൽ നിന്ന് ഹെലികോപ്റ്റർ മാർഗത്തിൽ തിരുവനന്തപുരത്ത് എത്തും. അവസാനഘട്ടതെരഞ്ഞെടുപ്പ് തെരഞ്ഞെടുപ്പ് വേളയിലെ ധ്യാനത്തിനെതിരെ അതിരൂക്ഷ വിമർശനമാണ് പ്രതിപക്ഷം ഉന്നയിച്ചത്. മോദിയുടെ ധ്യാനത്തെ തുടർന്ന് വരുത്തിയ നിയന്ത്രണങ്ങൾ മൂലം പ്രദേശത്തെ മൽസ്യത്തൊഴിലാളികൾ ദുരിതത്തിലാണ്. വിവേകാനന്ദ പാറയുടെ 5 കിലോമീറ്റർ ചുറ്റളവിൽ മൽസ്യബന്ധനത്തിന് നിയന്ത്രണം ഏർപ്പെടുത്തിയിട്ടുണ്ട്.

Also Read: അതിശക്തമായ മഴയ്ക്കുള്ള സാധ്യത; മൂന്ന് ജില്ലകളിൽ ഇന്ന് റെഡ് അലർട്ട്

വ്യാഴാഴ്ച രാത്രിയാരംഭിച്ച ധ്യാനം ഇന്നുച്ചയ്ക്ക് മൂന്ന് മണിയോടെ അവസാനിപ്പിച്ചു. ധ്യാനമിരിക്കുന്ന മോദിയുടെ ദൃശ്യങ്ങൾ പുറത്തുവന്നിരുന്നു. വിവിധ ആംഗിളുകളിൽ നിന്നുമുള്ള ഈ ദൃശ്യങ്ങൾ കണ്ട് നിരവധി ട്രോളുകളും പുറത്തുവന്നു. പ്രധാനമന്ത്രി മത്സരിക്കുന്ന വാരണാസിയിൽ ഇന്ന് വോട്ടെടുപ്പ് നടക്കുമ്പോഴും മോദി ധ്യാനത്തിലാണ്. അവസാനഘട്ട തെരഞ്ഞെടുപ്പ് വേളയിലെ ഈ ധ്യാനം പ്രഹസന നാടകമാണെന്നും രാഷ്ട്രീയം മുന്നിൽക്കണ്ടുള്ള നീക്കമാണെന്നും പ്രതിപക്ഷം വിമർശിച്ചു.

Also Read: തൃശ്ശൂരിൽ ഇടിമിന്നലേറ്റ് രണ്ട് മരണം

ആദ്യദിവസം ഡിഎംകെയുടെ നേതൃത്വത്തിൽ തമിഴ്നാട്ടിൽ പ്രതിഷേധവുമുയർന്നിരുന്നു. മോദിയുടെ ധ്യാനം തെരഞ്ഞെടുപ്പ് കമ്മീഷനിലും കോടതിയിലും വരെയെത്തിയെങ്കിലും നടപടി സ്വീകരിച്ചില്ല. മോദിയുടെ ധ്യാനത്തെ പ്രചരണമോ പെരുമാറ്റ ചട്ടത്തിന്റെ ലംഘനമോ ആയി കാണാനാവില്ലെന്നായിരുന്നു തിരഞ്ഞെടുപ്പ് കമ്മീഷന്റെ നിലപാട്.