വ്യത്യസ്തമായ രീതിയില്‍ കിടിലന്‍ രുചിയില്‍ നത്തോലി ഫ്രൈ ചെയ്താലോ

വ്യത്യസ്ത രീതിയില്‍ കിടിലന്‍ രുചിയില്‍ നത്തോലി ഫ്രൈ ചെയ്താലോ. എന്നും വീട്ടില്‍ ഫ്രൈ ചെയ്യുന്നതില്‍ നിന്നും അല്‍പം വ്യത്യസ്തമായി നമുക്ക് ഇന്ന് നത്തോലി വറുത്തെടുക്കാം.

ചേരുവകൾ – 1

1. നെത്തോലി – ½ കിലോ

2. മുളകുപൊടി -1 ടേബിൾസ്പൂൺ

3. മഞ്ഞൾപ്പൊടി -1/4 ടീസ്പൂൺ

4. മീറ്റ് മസാല -1ടീസ്പൂൺ

5. കുരുമുളകുപൊടി -1 ടീസ്പൂൺ

6. വെളുത്തുള്ളിപേസ്റ്റ് -½ ടേബിൾസ്പൂൺ

7. ഇഞ്ചി പേസ്റ്റ് -½ ടേബിൾസ്പൂൺ

8. നാരങ്ങാ നീര്‌ -1ടേബിൾസ്പൂൺ

9. ഉപ്പ്- ½ ടീസ്പൂൺ

ചേരുവകൾ – 2

1. അരിപ്പൊടി – 1 ടേബിൾസ്പൂൺ

2. മൈദ -1 ടേബിൾസ്പൂൺ

3. കോൺഫ്ലോർ – 2 ടേബിൾസ്പൂൺ

4. വെള്ളം – 1 ടേബിൾസ്പൂൺ

5. വെളിച്ചെണ്ണ – വറുക്കാൻ പാകത്തിന്

6. കറിവേപ്പില –ഒരുപിടി

തയാറാക്കുന്ന വിധം

നെത്തോലി  മുളകുപൊടി, മഞ്ഞൾപ്പൊടി, ഉപ്പ് , കുരുമുളകു പൊടി, ഗരം മസാല , ഇഞ്ചി , വെളുത്തുള്ളി പേസ്റ്റ്  ചേർത്ത് നന്നായി തേച്ചു പിടിപ്പിക്കുക.

അതിലേക്ക്  അരിപ്പൊടി, കോൺഫ്ലോർ, മൈദ ഏല്ലാം ഒരു ടേബിൾ സ്പൂൺ വെള്ളം ചേർത്ത്  നെത്തോലിയിലേക്ക് ചേർക്കുക.

വെളിച്ചെണ്ണ ഒഴിച്ച് അടി കട്ടിയുള്ള ചീനച്ചട്ടിയില്‍ അരമണിക്കൂറിന്  ശേഷം നെത്തോലി  വറുത്തു കോരുക  ഒപ്പം കറിവേപ്പിലയും.