തന്റെ എക്സ് അക്കൗണ്ട് ഹാക്ക് ചെയ്യപ്പെട്ടതായി വെളിപ്പെടുത്തി നടി നയന്‍താര രംഗത്ത്. ‘എന്റെ അക്കൗണ്ട് ഹാക്ക് ചെയ്യപ്പെട്ടു. അനാവശ്യമോ വിചിത്രമോ ആയ ട്വീറ്റുകള്‍ പോസ്റ്റ് ചെയ്യപ്പെട്ടാല്‍, ദയവായി അവഗണിക്കുക’ – എന്നാണ് താരം കുറിച്ചിരിക്കുന്നത്.
വെള്ളിയാഴ്ച വൈകുന്നേരത്തോടെയാണ് തന്റെ എക്സ് അക്കൗണ്ട് ഹാക്ക് ചെയ്യപ്പെട്ടതായി നയന്‍താര എക്‌സിലൂടെ അറിയിച്ചത്.
കഴിഞ്ഞ വര്‍ഷം പുറത്തിറങ്ങിയ ഹിറ്റ് ചിത്രം ജവാന്റെ ഒന്നാം വാര്‍ഷികത്തോടനുബന്ധിച്ച് സെപ്റ്റംബര്‍ 7 നായിരുന്നു നയന്‍താരയുടെ അവസാനത്തെ എക്സ് പോസ്റ്റ് എത്തിയത്.
Also Read : ഓണക്കാലത്ത് ഇതാ ഒടിടിയില്‍ ഒരുപിടി ചിത്രങ്ങള്‍! ഏതൊക്കെയെന്ന് അറിയാം…
താരത്തിന് പിന്തുണയുമായി നിരവധി ആരാധകരാണ് രംഗത്തെത്തിയിരിക്കുന്നത്. ‘വെരിഫൈഡ് അക്കൗണ്ട് ഹാക്ക് ചെയ്യുന്നത് എങ്ങനെയാണെന്നാണ്’ എലോണ്‍ മസ്‌കിനെ ടാഗ് ചെയ്ത് ചിലര്‍ ചോദിച്ചിരിക്കുന്നത്.
‘ഈ ബ്ലൂ ടിക്കിന് എന്ത് സുരക്ഷയാണ് നിങ്ങള്‍ ഉറപ്പ് നല്‍കുന്നതെന്ന്’ ചോദിക്കുന്നവരുമുണ്ട്.
Account has been hacked. Please ignore any unnecessary or strange tweets being posted.
— Nayanthara✨ (@NayantharaU) September 13, 2024
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
