തെക്കൻ ലബനനിൽ വിന്യസിച്ചിരിക്കുന്ന സമാധാനസേനയെ ഉടൻ പിൻവലിക്കണമെന്ന് ഇസ്രയേൽ പ്രധാനമന്ത്രി ബെന്യാമിൻ നെതന്യാഹു. സേനയെ എത്രയും പെട്ടെന്ന് തന്നെ പിൻവലിക്കണമെന്ന് അദ്ദേഹം യുഎസ് സെക്രട്ടറി ജനറൽ അന്റോണിയോ ഗുട്ടറസിനോട് ആവശ്യപ്പെട്ടു.
അതേസമയം നഖോറയിലെ സമാധാനസേന ആസ്ഥാനത്തേക്ക്‌ ഇസ്രയേൽ നടത്തുന്ന ആക്രമണങ്ങൾക്കെതിരെ അന്താരാഷ്ട്രതലത്തിൽ വലിയ വിമർശനമാണ് ഉയരുന്നത്.ഇസ്രയേൽ ആക്രമണത്തിൽ 20 സമാധാനസേനാംഗങ്ങൾക്ക്‌ പരിക്കേറ്റിരുന്നു. സേനാംഗങ്ങളെ ഹിസ്ബുള്ള മനുഷ്യകവചമായി ഉപയോഗിക്കുകയാണെന്ന് ആരോപിച്ചാണ് ഇസ്രയേൽ അക്രമം അഴിച്ചുവിടുന്നത്.
ALSO READ; ഒരു കില്ലാഡി തന്നെ! പുല്ലുവെട്ടാൻ മുതൽ കുട്ടികളെ പരിപാലിക്കാൻ വരെ, ഹിറ്റായി മസ്കിന്റെ റോബോട്ട്
അതിനിടെ സമാധാനസേനയെ ആക്രമിച്ചതിനെ അപലപിക്കുന്ന പ്രമേയത്തിൽ ഇന്ത്യ
ഒപ്പുവെക്കാഞ്ഞത് വലിയ ചർച്ചയായി.എന്നാൽ, സൈനികരെ സംഭാവനചെയ്യുന്ന രാജ്യമെന്ന നിലയിൽ നിലപാടിനോട്‌ പൂർണമായും യോജിക്കുന്നതായി യുഎന്നിലെ ഇന്ത്യൻ പ്രതിനിധികൾ അറിയിച്ചു. ലബനനിൽ 600 ഇന്ത്യൻ സൈനികർ യുഎൻ സേനയുടെ ഭാഗമായി പ്രവർത്തിക്കുന്നതായി വിദേശ മന്ത്രാലയം സ്ഥിരീകരിച്ചിരുന്നു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
