‘കേരളം വ്യവസായ സൗഹൃദമാണെന്നതിന് തെളിവാണ് ഐ ബി എസിൻ്റെ പുതിയ ക്യാമ്പസ്’: മുഖ്യമന്ത്രി

കേരളം വ്യവസായ സൗഹൃദമാണെന്നതിന് തെളിവാണ് ഐ ബി എസിൻ്റെ പുതിയ ക്യാമ്പസ് എന്ന് മുഖ്യമന്ത്രി പിണറായി വിജയൻ. കേരളം വ്യവസായ സൗഹൃദമല്ലെന്ന് പ്രചരിപ്പിക്കുന്ന ചില സ്ഥാപിത താൽപ്പര്യക്കാർക്കുള്ള മറുപടിയാണ് ഐ ബി എസ് എന്നും മുഖ്യമന്ത്രി പറഞ്ഞു. ഐ ബി എസ് സോഫ്റ്റ് വെയർ കമ്പനിയുടെ കൊച്ചി ഇൻഫോപാർക്കിലെ ക്യാമ്പസ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

Also read:കേരളത്തിന്റെ കടമെടുപ്പ് പരിധി കൂട്ടില്ലെന്ന് കേന്ദ്രം; സുപ്രീംകോടതിയിൽ സത്യവാങ്മൂലം

‘വ്യവസായ സൗഹൃദ അന്തരീക്ഷത്തിൻ്റെ അംബാസഡറായി ഐ ബി എസ് മേധാവി വി.കെ മാത്യൂസ് ഉയർന്നിരിക്കുന്നു. ഐ ടി മേഖലയിൽ വലിയ വളർച്ച നേടി. രാജ്യത്തിൻ്റെ ഐ ടി കയറ്റുമതിയുടെ 10% എങ്കിലും കേരളത്തിൽ നിന്നാകണമെന്നാണ് സർക്കാർ ലക്ഷ്യം.

Also read:‘ഉത്സവ സീസണിൽ അരിവില കൂടുന്നത് തടയേണ്ടതുണ്ട്’: മന്ത്രി ജി ആർ അനിൽ

പുതിയ 5 ലക്ഷം തൊഴിലവസരങ്ങൾ ഈ രംഗത്ത് സൃഷ്ടിക്കും. സംസ്ഥാനത്തെ ഐ ടി പാർക്കുകളിൽ കമ്പനികളുടെയും ജീവനക്കാരുടെയും എണ്ണം വർധിച്ചു. സ്റ്റാർട്ടപ്പ് രംഗത്തും വൻ കുതിപ്പ് ഉണ്ടായി. ഇത്തരം നേട്ടങ്ങൾ കേരളം കൈവരിക്കുമ്പോൾ അത് തമസ്ക്കരിക്കാൻ ബോധപൂർവ്വം ശ്രമങ്ങൾ നടക്കുന്നുണ്ട്’ മുഖ്യമന്ത്രി പറഞ്ഞു.