കഴിഞ്ഞുപോയത് ഭൂമിയിലെ ഏറ്റവും ചൂടുകൂടിയ എട്ടു വർഷങ്ങൾ!

ലോകം വരൾച്ചയിലും വെള്ളപ്പൊക്കത്തിലും വിറങ്ങലിച്ച ഒരു കാലഘട്ടം കടന്നുപോകുമ്പോൾ അതിനുള്ള ഒരേയൊരു കാരണം കാലാവസ്ഥാ വ്യതിയാനമാണെന്നാണ് ഐക്യരാഷ്ട്രസഭയുടെ കീഴിലുള്ള ലോക കാലാവസ്ഥാശാസ്ത്ര സംഘടന വ്യക്തമാക്കുന്നത്. കിഴക്കൻ ആഫ്രിക്കയിലെ അതിവരൾച്ചയും പാക്കിസ്ഥാൻ നേരിട്ട വെള്ളപ്പൊക്കവും ചൈനയും യൂറോപ്പും നേരിട്ട ഉഷ്ണ തരംഗവും നിരവധിയായ മനുഷ്യരുടെ ജീവനെടുത്തതിനൊപ്പം തന്നെ ഭക്ഷ്യ പ്രതിസന്ധിക്കും കൂട്ട പലായനത്തിനും കാരണമായിരുന്നു. അതിനു പരിഹാരമായി വേഗത്തിലും ആഴത്തിലുള്ള ഹരിതഗൃഹവാതക നിയന്ത്രണമാണ് വേണ്ടതെന്നാണ് റിപ്പോർട്ട് ആവശ്യപ്പെടുന്നത്.