വീഡിയോ കോളിനിടെ സ്‌ക്രീന്‍ ഷെയറിങ് ഓപ്ഷനൊപ്പം യുസര്‍നെയിം വഴി സുഹൃത്തുക്കളുമായി ബന്ധപ്പെടാനുള്ള സംവിധാനവും ഉള്‍പ്പെടുത്താനൊരുങ്ങി വാട്‌സ്ആപ്പ്. നിലവില്‍ ആന്‍ഡ്രോയിഡ് 2.23.11.19 അപ്ഡേറ്റില്‍ വാട്‌സ് ആപ്പിന്റെ ബീറ്റ പതിപ്പില്‍ മാത്രമാണ് ഇവ ലഭ്യമാകുന്നത്.
ആന്‍ഡ്രോയിഡ് 2.23.11.15-ലെ ബീറ്റ പതിപ്പിലാണ് യൂസര്‍നെയിം ഫീച്ചര്‍ ലഭിക്കുന്നത്. ഈ രണ്ട് പുതിയ ഓപ്ഷനുകളും പരീക്ഷണ ഘട്ടത്തിലാണ്. വീഡിയോ കോളിനിടെ സ്‌ക്രീന്‍ റെക്കോര്‍ഡ് ചെയ്യാനും മറ്റുള്ളവരുമായി പങ്കിടാനുമുള്ള സംവിധാനമാണ് സ്‌ക്രീന്‍ ഷെയറിങ്.
സ്‌ക്രീന്‍ ഷെയറിങ്ങില്‍ ഉപയോക്താവിന് പൂര്‍ണ നിയന്ത്രണം ഉണ്ടായിരിക്കും. സ്വകാര്യത സംരക്ഷിക്കുന്നതിന് എപ്പോള്‍ വേണമെങ്കിലും സ്‌ക്രീന്‍ ഷെയറിങ് ഉപേക്ഷിക്കാനും ഉപയോക്താവിന് സാധിക്കുന്നവിധമാണ് സേവനം ഒരുക്കിയിരിക്കുന്നത്.
നിലവില്‍ ഫോണ്‍ നമ്പര്‍ ഉപയോഗിക്കുന്നതിന് പകരം ഭാവിയില്‍ യൂസര്‍നെയിമുകളിലൂടെ ആളുകളെ തിരയാനും കണ്ടുപിടിക്കാനും സാധിക്കും. വാട്‌സാപ്പിലെ പുത്തന്‍ ഓപ്ഷനുകളെ കുറിച്ചുള്ള വിവരങ്ങള്‍ നല്‍കുന്ന ഡബ്യുഎ ബീറ്റ ഇന്‍ഫോ എന്ന സൈറ്റാണ് വാര്‍ത്ത പുറത്തുവിട്ടത്.
WhatsApp news of the week: username and screen-sharing feature!
We shared 9 articles about WhatsApp beta for Android, iOS, and Desktop! Read our summary if you didn’t have time to discover our stories posted this week.https://t.co/Th1Zyqblbm
— WABetaInfo (@WABetaInfo) May 28, 2023
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
