ഓപ്പറേഷൻ തീയറ്ററിൽ ഹിജാബ് വേണ്ട; മെഡിക്കൽ വിദ്യാർത്ഥികളുടെ ആവശ്യത്തെ തളളി ഐഎംഎ

ഓപ്പറേഷൻ തീയറ്ററിൽ പാലിക്കേണ്ടത് അന്താരാഷ്ട്ര മാനദണ്ഡം. മുൻഗണന നൽകേണ്ടത് രോഗിയുടെ സുരക്ഷയ്ക്കെന്നും ഐഎംഎ നിലപാട് വ്യക്തമാക്കി. ഓപ്പറേഷൻ തീയറ്ററിൽ മുൻഗണന നൽകേണ്ടത് രോഗിയുടെ സുരക്ഷക്കാണെന്ന് ഐഎംഎ സംസ്ഥാന പ്രസിഡന്റ് ഡോ.സുൽഫി നൂഹു പ്രതികരിച്ചു. അണുബാധ ഉണ്ടാകാത്ത സാഹചര്യത്തിനാണ് മുൻഗണന നൽകേണ്ടതെന്നും അദ്ദേഹം കൂട്ടിച്ചേർത്തു. ഓപ്പറേഷൻ തീയറ്ററിൽ പാലിക്കേണ്ടത് അന്താരാഷ്ട്ര മാനദണ്ഡങ്ങാണ് എന്നും ഡോ.സുൽഫി നൂഹു ചൂണ്ടിക്കാട്ടി.

Also Read: പെ​രു​ന്നാ​ൾ ദി​ന​ത്തി​ൽ ഖു​റാ​ൻ ക​ത്തി​ച്ച് പ്രതിഷേധം നടത്തി സ്വീ​ഡ​നി​ലെ തീ​വ്ര വ​ല​തു​വി​ഭാ​ഗം

ഈ വർഷം ജൂൺ 26 ന് ഓപ്പറേഷൻ തീയറ്ററിനുള്ളിൽ തലമറയ്ക്കുന്ന തരത്തിലുള്ള ശിരോവസ്ത്രവും നീളൻ കൈയുള്ള സ്‌ക്രബ് ജാക്കറ്റുകളും ധരിക്കാൻ അനുവദിക്കണമെന്ന് ആശ്യപ്പെട്ട് മെഡിക്കൽ കോളേജ് വിദ്യാര്‍ത്ഥിനികൾ കത്ത് നൽകിയിരുന്നു. 2020 എംബിബിഎസ് ബാച്ചിലെ വിദ്യാർഥിനിയാണ് തിരുവനന്തപുരം മെഡിക്കൽ കോളേജ് പ്രിൻസിപ്പൽ ഡോ. ലിനറ്റ് ജെ.മോറിസിന് കത്ത് നൽകിയത്. 2018, 2021, 2022 ബാച്ചിലെ ആറ് വിദ്യാര്‍ത്ഥിനികളുടെ ഒപ്പുകളോട് കൂടിയതായിരുന്നു കത്ത്. ഈ വിഷയം ദേശീയമാധ്യമങ്ങളിലടക്കം വലിയ വാര്‍ത്തയായിരുന്നു.