ദീപാവലിയുടെ ഉത്സവ ലഹരിയിൽ അലിഞ്ഞ് ഉത്തരേന്ത്യ. മധുര പലഹാരങ്ങളും അലങ്കാര ദീപങ്ങളുമായി വർണക്കാഴ്ചകളാൽ നിറയുകയാണ് ദില്ലി നഗരം.
മഞ്ഞവെളിച്ചം നിറഞ്ഞ നഗരത്തിലാകെ ദീപലങ്കാരങ്ങളും മൺചിരാതുകളുമായി ദീപങ്ങളാൽ നിറഞ്ഞിരിക്കുകയാണ്. പൂമാലയും വർണക്കടലാസുകളാലും നിറഞ്ഞ വഴിയുടെ ഇരുവശങ്ങളും നിരനിരെയായി കടകൾ നിറഞ്ഞിരിക്കുകയാണ്.
ഉത്തരേന്ത്യയുടെ ദീപാവലി ദിനങ്ങൾ ആഘോഷത്താൽ നിറഞ്ഞിരിക്കുകയാണ്. കാജു ബാർഫി, ദൂത് പേട, ഗുലാബ് ജാം, ലഡു മുതലായി പലഹാരങ്ങൾ പലനിറത്തിലും പല രുചിയിലും കടകളിൽ നിറഞ്ഞിരിക്കുകയാണ്. കഴിഞ്ഞ ദിവസങ്ങളിൽ ആളുകളുടെ വരവ് കുറവായിരുന്നെങ്കിലും ദീപാവലി അടുത്തപ്പോഴേക്കും മധുരം തേടിയെത്തുന്നവരുടെ എണ്ണം കൂടിയതോടെ കട ഉടമകളും ഹാപ്പിയായി.
കുടുംബമായും സുഹൃത്തുകളുമായും വിപണിയിലെത്തുന്നവർ മധുരവും പലഹാരങ്ങളും പങ്കുവെച്ച് കഴിക്കുന്ന കാഴ്ചകളാൽ നിറഞ്ഞിരിക്കുകയാണ് ദില്ലിയിൽ.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
