കോട്ടയം പാലായിൽ ഒൻപതാം ക്ലാസുകാരന്റെ നഗ്ന വീഡിയോ ചിത്രീകരിച്ച് പ്രചരിപ്പിച്ച സഹപാഠികൾ. ബലം പ്രയോഗിച്ച് നഗ്നനാക്കിയ ശേഷമാണ് വിഡിയോ പകർത്തിയത്. പിതാവിൻ്റെ പരാതിയിൽ പാലാ പൊലീസ് സംഭവത്തിൽ കേസെടുത്ത് അന്വേഷണം ആരംഭിച്ചു.
കഴിഞ്ഞ വെള്ളിയാഴ്ച്ചയാണ് കേസിനാസ്പദമായ സംഭവം. പാലായിയിലെ ഒരു വിദ്യാഭ്യാസ സ്ഥാപനത്തിലെ ഒൻപതാം ക്ലാസുകാരന്റെ നഗ്ന വീഡിയോയാണ് സഹപാഠികൾ ബലം പ്രയോഗിച്ച് ചീത്രീകരിച്ചത്. ഏഴുപേർ ചേർന്നായിരുന്നു ഈ ക്രൂരത.
Also Read: ഷാരോണ്‍ രാജ് വധക്കേസ് ഒന്നാം പ്രതി ഗ്രീഷ്മ കുറ്റക്കാരി
ചിത്രീകരിച്ച ദൃശ്യങ്ങൾ പിന്നീട് ഇൻസ്റ്റഗ്രാം വഴി പ്രചരിപ്പിച്ചു. സംഭവം ശ്രദ്ധയിൽപ്പെട്ട കുട്ടിയുടെ പിതാവ് പാലാ പൊലീസിൽ പരാതി നൽകി. മുൻപും സമാനമായ രീതിയിൽ ദൃശ്യങ്ങൾ ചീത്രീകരിച്ചതായി കുട്ടി പൊലീസിന് മൊഴി നൽകിയിട്ടുണ്ട്.
പിതാവിൻ്റെ പരാതിയിൽ പാലാ പൊലീസ് അന്വേഷണം ആരംഭിച്ചു. സ്കൂൾ അധികാരികളും അന്വേഷണം തുടങ്ങിയിട്ടുണ്ട്.
Also Read: ചേന്ദമംഗലം കൂട്ടക്കൊല; പ്രതി റിതുവിൻ്റെ അറസ്റ്റ് രേഖപ്പെടുത്തി
കോട്ടയം പാലായില്‍ വിദ്യാര്‍ഥിയെ ഉപദ്രവിച്ച് ദൃശ്യം പ്രചരിപ്പിച്ചെന്ന ആരോപണത്തില്‍ ആരോഗ്യ വനിത ശിശുവികസന വകുപ്പ് മന്ത്രി വീണാ ജോര്‍ജ് വനിത ശിശുവികസന വകുപ്പ് ഡയറക്ടറോട് റിപ്പോര്‍ട്ട് തേടിയിട്ടുണ്ട്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
