ആകര്‍ഷകമായ വില കിഴിവ് പ്രഖ്യാപിച്ച് മിഹോസ്

ഉപഭോക്താക്കളെ ആകര്‍ഷിക്കാനായി ഓഫറുകള്‍ പ്രഖ്യാപിച്ച് ജോയ് ഇ-ബൈക്ക്. കമ്പനിയുടെ മുന്‍നിര ഇലക്ട്രിക് സ്‌കൂട്ടറായ മിഹോസിനു 30000 രൂപ വരെ കിഴിവ് നല്‍കുമെന്നാണ് പ്രഖ്യാപനം .2024 നവംബര്‍ 15 വരെയാണ് ഓഫറിന് സാധുതയെന്ന് കമ്പനിയുടെ പ്രഖ്യാപനം. ഓഫറുകള്‍ എല്ലാ അംഗീകൃത ജോയ് ഇ-ബൈക്ക് ഡീലര്‍ഷിപ്പുകളിലും ഇ-കൊമേഴ്‌സ് പ്ലാറ്റ്ഫോമുകളിലും ലഭ്യമാകും.

എല്ലാ ജോയ് ഇ-ബൈക്ക് മോഡലുകളിലും ആകര്‍ഷകമായ ഓഫറുകളുള്ളതിനാല്‍ പരിസ്ഥിതി സൗഹൃദ ഗതാഗത മാര്‍ഗത്തിലേക്ക് മാറാനുള്ള ഏറ്റവും മികച്ച അവസരമാണ് ഈ കമ്പനി ഒരുക്കുന്നത്. . 70000 രൂപ മുതലാണ് ജോയ് ഇ-ബൈക്കിന്റെ ഇലക്ട്രിക് സ്‌കൂട്ടറുകളുടെ വില ആരംഭിക്കുന്നത്. ജോയ് ഇ-ബൈക്ക് മിഹോസിന് നിലവില്‍ 1.17 ലക്ഷം രൂപയാണ് എക്‌സ്‌ഷോറൂം വില.

also read: വിലക്കുറവും ആറ് മാസം ഫ്രീ ചാർജിങുമായി ടാറ്റയുടെ ഇവി; ഓഫർ പരിമിതകാലത്തേക്ക്

മിഹോസിന്റെ നല്ല നീളവും വീതിയുമുള്ള സീറ്റ് എല്ലാവര്‍ക്കും ആക്‌സസ് ചെയ്യാന്‍ പാകത്തിന് 750 മില്ലിമീറ്റര്‍ ഉയരത്തില്‍ സ്ഥാപിച്ചിരിക്കുന്നു. മണിക്കൂറില്‍ 70 കിലോമീറ്ററാണ് പരമാവധി വേഗത. ഇക്കോ, റൈഡ്, ഹൈ എന്നിങ്ങനെ മൂന്ന് റൈഡിംഗ് മോഡുകള്‍ ഇവിക്ക് ലഭിക്കുന്നു.