ഇ – കോമേഴ്സ് സൈറ്റുകളിലെ ആദായ വിൽപ്പന, ഇന്ത്യക്കാർക്ക് പ്രിയപ്പെട്ട ഉത്പന്നങ്ങൾ ഇവയാണ്

വമ്പന്‍ ഓഫറുകൾ നൽകി ഇ – കോമേഴ്സ് ഭീമന്‍മാര്‍ പരസ്പരം മല്‍സരിച്ചതോടെ പ്രിയപ്പെട്ട ഉത്പന്നങ്ങൾ വാങ്ങിക്കൂട്ടി ഉപഭോക്താക്കൾ. മൊബൈല്‍ ഫോണുകളും ഇലക്ട്രോണിക്സ് ഉല്‍പ്പന്നങ്ങളുമാണ് ഓഫർ കാലയളവിൽ ഏറ്റവും കൂടുതൽ വിൽക്കപ്പെട്ടത്. ഡാറ്റ ഇന്‍റലിജന്‍സിന്‍റെ റിപ്പോര്‍ട്ട് പ്രകാരം 54,500 കോടി രൂപയുടെ വില്‍പ്പനയാണ് സെപ്റ്റംബര്‍ 26 മുതല്‍ ഒക്ടോബര്‍ 2 വരെ ഇ കൊമേഴ്സ് സൈറ്റുകളിൽ നടന്നത്. ഐ ഫോണ്‍ 15, സാംസംഗിന്‍റെ ഗ്യാലക്സി ട23 എഫ്ഇ യുമാണ് ഏറ്റവും കൂടുതൽ വിൽക്കപ്പെട്ട ഉത്പന്നങ്ങൾ.

Also Read: പൊന്നിന്‍ വിലയില്‍ ആശ്വസിക്കാന്‍ വകയുണ്ടോ? ഈ ട്രെന്‍ഡ് തുടര്‍ന്നാല്‍ ഒരുപക്ഷേ…

30,000 രൂപയ്ക്ക് മുകളില്‍ വിലയുള്ള മൊബൈൽഫോണുകൾക്കാണ് പ്ര​ധാനമായും ഓഫറുകൾ ഉണ്ടായിരുന്നത്. പുതിയ ഐഫോണ്‍ മോഡലുകൾ പുറത്തിറങ്ങിയത് പഴയ ഐഫോണ്‍ മോഡലുകളുടെ വില കുറയാൻ കാരണമാകുകയും ചെയ്തു. ഡബിള്‍ ഡോര്‍ റഫ്രിജറേറ്ററുകള്‍, സ്മാര്‍ട്ട് ടിവികള്‍ തുടങ്ങിയവക്കും ആവശ്യക്കാരേറെയായിരുന്നു.

Also Read:  സക്കർബർഗിന് മുന്നിലുള്ളത് ഇലോൺ മസ്‌ക് മാത്രം; സമ്പന്നരുടെ പട്ടികയിലെ ഭീമന്മാർ ഇനി ഇവർ

ആമസോണ്‍ ഗ്രേറ്റ് ഇന്ത്യന്‍ ഫെസ്റ്റിവൽ ആരംഭിച്ച് ആദ്യ 48 മണിക്കൂറിൽ 11 കോടി പേരോളമാണ് കമ്പനിയുടെ വെബ്സൈറ്റോ, ആപ്പോ സന്ദര്‍ശിച്ചത്.