ദില്ലിയിൽ പതിനാറുകാരിയെ പീഡിപ്പിച്ച അറുപത്തിയെട്ടുകാരൻ അറസ്റ്റിൽ. വൃദ്ധന്റെ മകൻ ക്രൂരപീഡനം മൊബൈലിൽ പകർത്തിയതാണ് നിർണായകമായ തെളിവായി മാറിയത്.
ഏപ്രിലിലാണ് കേസിനാസ്പദമായ സംഭവം നടന്നത്. പ്രതിയായ അറുപത്തിയെട്ടുകാരന്റെ അയൽക്കാരിയായിരുന്നു പതിനാറുകാരിയായ കുട്ടി. ഇടയ്ക്കിടെ കുട്ടി വീട്ടിലേക്ക് വരികയും പ്രതിയായ വൃദ്ധന്റെ കുടുംബത്തോടൊപ്പം ക്ഷേത്രങ്ങളിലേക്ക് പോകുകയും ചെയ്യാറുണ്ട്. ഈ ബന്ധമാണ് വൃദ്ധൻ മുതലെടുത്തത്. സംഭവദിവസം വീട്ടിൽ ഒറ്റയ്ക്കായിരുന്ന പെൺകുട്ടിയെ വൃദ്ധൻ തന്റെ വീട്ടിലേക്ക് വിളിക്കുകയും ക്രൂരമായി പീഡിപ്പിക്കുകയുമായിരുന്നു.
ALSO READ: കേരളത്തിൽ കളിക്കാൻ അർജൻ്റീന റെഡി; തുടർ നടപടികളുമായി സംസ്ഥാനം മുന്നോട്ട്
അതേസമയം, തന്റെ പിതാവിന്റെ ഈ ക്രൂരപ്രവൃത്തി അയാളുടെ മകൻ തന്റെ മൊബൈൽ ഫോണിൽ പകർത്തുന്നുണ്ടായിരുന്നു. അച്ഛൻ എന്തോ മന്ത്രവാദം ചെയ്യുകയാണ് എന്ന് കരുതിയാണ് മകൻ ദൃശ്യങ്ങൾ ഫോണിൽ പകർത്തിയത് എന്നാണ് പൊലീസ് വെളിപ്പെടുത്തുന്നത്. ഇയാൾക്ക് മാനസികപ്രശ്നമുണ്ടോ എന്ന കാര്യത്തിലും ഔദ്യോഗികമായി സ്ഥിരീകരണമില്ല. ഈ വീഡിയോ ദൃശ്യങ്ങൾ ഇരയുടെ അച്ഛൻ കണ്ടതോടെയാണ് പരാതിയുമായി പൊലീസ് സ്റ്റേഷനിലെത്തിയത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
