ട്രെയിനിൽ കാലുകുത്താൻ ഇടമില്ല: മലയാളികൾക്ക്  നാട്ടിലെത്താൻ  തുണ കെഎസ്ആർടിസി തന്നെ

ഓണക്കാലമായിട്ട് നാട്ടിലെത്താൻ ട്രെയിൻ കിട്ടാതെ നെട്ടോട്ടമോടി മലയാളികൾ. ബംഗളൂരു, ചെന്നൈ എന്നിവിടങ്ങളിൽ നിന്നുമുള്ള ട്രെയിനിലെ ജനറൽ കോച്ചിലും റിസേർവ്ഡ് കോച്ചുകളിലും വൻ തിരക്കാണ്. ഭൂരിഭാ​ഗം പേർക്കും സീറ്റ് പങ്കിടേണ്ട ആർഎസി സ്‌റ്റാറ്റസാണ് ലഭിച്ചത്.

ALSO READ: സ്നാപ്ഡ്രാഗൺ 4 ജെൻ 2 ചിപ്പ് സെറ്റിന്റെ കരുത്ത്: റെഡ്മി 14ആർ പുറത്തിറങ്ങി

രണ്ട് മാസം മുൻപ് ടിക്കറ്റ് ബുക്ക് ചെയ്തവർക്കുപോലും സീറ്റ് കിട്ടാത്ത അവസ്ഥയാണ് നിലവിലുള്ളത്. ഓണം സ്പെഷ്യൽ ട്രെയിനുകൾ അനുവദിക്കുന്നതിൽ റെയിൽവേ കാട്ടിയ അലംഭാവമാണ് ദുരിതയാത്രയ്ക്ക് കാരണം. ഇതോടെ കെഎസ്ആർടിസി ബസ്സുകളെ ആശ്രയിച്ചിരിക്കുകയാണ് മലയാളികൾ.

ALSO READ: മലയാളികള്‍ക്ക് തിരുവോണാശംസകള്‍ നേര്‍ന്ന് നടന്‍ മമ്മൂട്ടി

ഓണാവധി പ്രമാണിച്ച് കെഎസ്ആർടിസി ഒരുക്കിയ പ്രത്യേക സർവീസ് ഏവർക്കും ഒരനുഗ്രഹമാണ് എന്ന് തന്നെ വേണം പറയാൻ. ഈ മാസം 23വരെ പ്രത്യേക അധിക സർവീസുകളാണ് വിവിധ കേന്ദ്രത്തിൽ നിന്ന്‌ ബം​ഗളൂരു, മൈസൂരു, ചെന്നൈ എന്നിവിടങ്ങളിലേക്ക്‌ അനുവദിച്ചത്. നിലവിലുള്ള 90 ബസുകൾക്ക് പുറമെയാണ് ദിവസവും 58 അധിക ബസുകളുടെ സർവീസ് കെഎസ്ആർടിസി നടത്തുന്നുണ്ട്. അതേസമയം ഓണം കഴിഞ്ഞുള്ള മടക്കയാത്രയും ബുദ്ധിമുട്ടിലാണ്‌. 15, 16, 17 തിയതികളിൽ ബം​ഗളൂരു, ചെന്നൈ, മം​ഗളൂരു എന്നിവിടങ്ങളിലേക്ക് ടിക്കറ്റ് കിട്ടാനില്ല.