ഓണ പാച്ചിലിനു മുമ്പേ സജീവമായി ഓണവിപണി. സപ്ലെക്കോ ഓണം ഫെയറുകളിലും വൻ തിരക്കാണ് അനുഭവപ്പെടുന്നത്. പൊതുവിപണിയേക്കാൾ കുറഞ്ഞ വിലയിൽ സാധനങ്ങൾ ലഭിക്കുന്നത് ഈ ഓണക്കാലത്ത് ജനങ്ങൾക്ക് ഏറെ ആശ്വാസമാണ്. പതിമൂന്നിന സബ്സിഡി സാധനങ്ങൾക്ക് പുറമേ പ്രമുഖ ബ്രാൻഡുകളുടെ 200 ലധികം ഉൽപ്പന്നങ്ങളും വൻവിലക്കുറവിലാണ് സപ്ലൈകോയിൽ ലഭ്യമാക്കിയിരിക്കുന്നത്.
വിലക്കുറവും ഓഫറുകളുമാണ് ജനങ്ങളെ സപ്ലൈകോ ഓണം ഫെയറുകളിലേക്ക് ആകർഷിക്കുന്നത്. കണ്ണൂർ താലൂക്ക് കോൺഫറൻസ് ഹാളിൽ ഒരുക്കിയ ഓണം ഫെയറിൽ രാവിലെ 9.30 മുതൽ രാത്രി എട്ട് വരെ തിരക്കൊഴിഞ്ഞ സമയമില്ല. ക്യൂവിൽ ഏറെ നേരം കാത്ത് നിൽക്കാതെ, വേഗത്തിൽ സാധനങ്ങൾ നൽകാനുള്ള ക്രമീകരണങ്ങൾ ഓണം ഫെയറുകളിൽ ഒരുക്കിയിട്ടുണ്ട്.
Also Read: വിമാനത്താവളത്തിലെ ഉദ്യോഗസ്ഥരുമായി വാക്ക് തർക്കമെന്ന് സംശയം; നടൻ വിനായകൻ കസ്റ്റഡിയിൽ
നെയ്യ്, തേൻ, കറിമസാലകൾ, മറ്റു ബ്രാൻഡഡ് ഭക്ഷ്യ ഉൽപ്പന്നങ്ങൾ, പ്രധാന ബ്രാൻഡുകളുടെ ഡിറ്റർജന്റുകൾ, ഫ്ളോർ ക്ലീനറുകൾ, ടോയ്ലെറ്ററീസ് തുടങ്ങി വിവിധ ഉൽപ്പന്നങ്ങൾക്ക് 45% വരെ വിലക്കുറവാണ് നൽകുന്നത്. സപ്ലൈകോ ബ്രാൻഡ് ആയ ശബരി ഉൽപ്പന്നങ്ങൾക്ക് പ്രത്യേക വിലക്കുറവും കോംബോ ഓഫറുകളും ഉണ്ട്. ശബരി സിഗ്നേച്ചർ കിറ്റ് എന്ന പേരിൽ ആകർഷകമായ കാരിബാഗിൽ 55 രൂപയുടെ ആറ് വിവിധ ശബരി ഉൽപ്പന്നങ്ങൾ 189 രൂപയ്ക്ക് ലഭിക്കും. ഓണം ഫെയറുകളിലും സപ്ലൈകോ സൂപ്പർ മാർക്കറ്റുകളിലും ഉച്ചയ്ക്ക് രണ്ടു മുതൽ നാലുമണിവരെ ഡീപ്പ് ഡിസ്‌കൗണ്ട് അവേഴ്സ് നടപ്പാക്കുന്നുണ്ട്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
