മുംബൈയിലെ കാമാത്തിപുരയിലെ ഒരു റെസ്റ്റോറന്റിലുണ്ടായ വന്‍ തീപിടിത്തത്തില്‍ ഒരാള്‍ മരിച്ചതായി റിപ്പോര്‍ട്ട്. റെസ്റ്റോറന്റിന്റെ പരിസരത്തുള്ള കുളിമുറിയില്‍ അജ്ഞാതനായ ഒരാളുടെ കത്തിക്കരിഞ്ഞ മൃതദേഹം കണ്ടെത്തി. മൃതദേഹത്തെ ഉടന്‍ ആംബുലന്‍സില്‍ ജെജെ ആശുപത്രിയിലേക്ക് മാറ്റി.
തീപിടുത്തത്തെത്തുടര്‍ന്ന് സമീപത്തെ ഒരു മാളും ഒരു ബഹുനില കെട്ടിടവും ഒഴിപ്പിച്ചതായി ബിഎംസി അധികൃതര്‍ പറഞ്ഞു, ഇതുവരെ ആര്‍ക്കും പരിക്കുകളൊന്നും റിപ്പോര്‍ട്ട് ചെയ്തിട്ടില്ല. മുംബൈ ഗ്രാന്റ് റോഡിലെ കാമാത്തിപുരയിലെ ഒരു റെസ്റ്റോറന്റിലാണ് ലെവല്‍-4 തീപിടിത്തമുണ്ടായതെന്ന് ബിഎംസി അധികൃതര്‍ പറഞ്ഞു.
Also Read : അമ്മയെ മകന്‍ തീ കൊളുത്തിക്കൊന്നു; പ്രതിയെ അറസ്റ്റ് ചെയ്തു
സംഭവത്തില്‍ കാണാതായവര്‍ക്കും പരിക്കേറ്റവര്‍ക്കും വേണ്ടിയുള്ള തിരച്ചില്‍ രക്ഷാസംഘം നടത്തിവരികയാണ്. നാല് ഫയര്‍ ടെന്‍ഡറുകള്‍ റെസ്റ്റോറന്റില്‍ എത്തിയതായി മുംബൈ ഫയര്‍ സര്‍വീസ് അറിയിച്ചു. എ-ലെവല്‍ തീ അണയ്ക്കാന്‍ മൊത്തം 20 ഫയര്‍ എഞ്ചിനുകളും ഒരു ബഹുനില കെട്ടിടത്തില്‍ നിന്നുള്ള 2 ലൈനുകളും പ്രവര്‍ത്തിക്കുന്നുണ്ട്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
