കരടി ആക്രമണത്തിൽ ഒരാൾക്ക് ഗുരുതര പരുക്ക്

തിരുവനന്തപുരം വിതുരയിൽ കരടി ആക്രമണത്തിൽ ഒരാൾക്ക് ഗുരുതര പരുക്ക്. വിതുര മണലി സ്വദേശി ശിവദാസൻ കാണിയെയാണ് കരടി ആക്രമിച്ചത്. രാവിലെ ആറുമണിയോടെയാണ് സംഭവം. ആക്രമണത്തിൽ ഗുരുതരമായി പരിക്കേറ്റ ശിവദാസനെ തിരുവനന്തപുരം മെഡിക്കൽ കോളജിലേക്ക് മാറ്റി.

also read :യുവതിക്ക് നേരെ തെരുവുനായ ആക്രമണം; കണ്ണൂരിൽ നായ ശല്യം രൂക്ഷം

ജോലിക്ക് പോകുന്നതിനിടെയാണ് ശിവദാസിനെ കരടി ആക്രമിച്ചത്. ശിവദാസിന് നേരെ പാഞ്ഞടുത്ത കരടി ആക്രമിക്കുകയായിരുന്നു. കരടിയിൽ നിന്ന് രക്ഷപ്പെടാൻ ഇയാൾ സമീപത്തെ മരത്തിൽ കയറിയെങ്കിലും, കരടിയും കൂടെ കയറി. മരത്തിൽ നിന്ന് താഴേക്ക് തള്ളിയതിന് ശേഷം വീണ്ടും ആക്രമിച്ചു. നിലവിളി കേട്ട് ഓടിക്കൂടിയ നാട്ടുകാരാണ് ശിവദാസിനെ കരടിയിൽ നിന്നും രക്ഷിച്ചത്. കാലിന് ഗുരുതരമായി പരിക്കേറ്റ ശിവദാസിനെ വിതുര താലൂക്ക് ആശുപത്രിയിൽ എത്തിച്ചെങ്കിലും പിന്നീട് തിരുവനന്തപുരം മെഡിക്കൽ കോളജിലേക്ക് മാറ്റുകയായിരുന്നു. എന്നാൽ ഇതാദ്യമായാണ് കരടി ആക്രമണം നടത്തുന്നതെന്ന് നാട്ടുകാർ പറയുന്നു.

also read :“ഹാപ്പി പിരീഡ് രാഗിണി” ; മകളുടെ ആദ്യ ആർത്തവം ആഘോഷമാക്കി കുടുംബം