കിടിലോൽക്കിടിലം! ഏറ്റവും പുതിയ ഫ്ലാഗ്ഷിപ്പ് ടാബ്‌ലെറ്റായ പാഡ് 3 പ്രൊ അവതരിപ്പിച്ച് ഓപ്പോ

ഓപ്പോയിൽ നിന്നുള്ള ഏറ്റവും പുതിയ ഫ്ലാഗ്ഷിപ്പ് ടാബ്‌ലെറ്റ് മോഡലായ പാഡ് 3 ചൈനീസ് വിപണിയിൽ അവതരിപ്പിച്ചു. ഫൈൻഡ് എക്സ്8 സീരീസിനൊപ്പമാണ് ഈ ടാബ്‌ലെറ്റ് മോഡൽ പുറത്തിറങ്ങിയത്. ചൈനയിൽ ഈ ആഴ്ച്ച തന്നെ ഈ ടാബ്‌ലെറ്റ് മോഡലുകൾ വിപണിയിലെത്തും. എന്നാൽ ഇതിന്റെ ഗ്ലോബൽ ലോഞ്ചിനെക്കുറിച്ചുള്ള യാതൊരു വിശദാംശങ്ങളും കമ്പനി ഇതുവരെ പുറത്തുവിട്ടിട്ടില്ല.

ഓപ്പോ പാഡ് 3 പ്രോയുടെ ഇന്ത്യയിലെ വില;

8 ജിബി + 256 ജിബി സ്റ്റോറേജ്,  12ജിബി + 256ജിബി,  16ജിബി + 512ജിബി,  16ജിബി + 1ടിബി എന്നിങ്ങനെ നാല് സ്റ്റോറേജ് വേരിയന്റുകളാണ് ഈ ടാബ്‌ലെറ്റിനുള്ളത്. 8 ജിബി + 256 ജിബി സ്റ്റോറേജ് വേരിയന്റിന് സിഎൻവൈ 3,299 (40,000രൂപ) ആണ് വിലവരുന്നത്. മറ്റ് മോഡലുകളുടെ വില വിവരം ഇനിയും പുറത്തുവരാനുണ്ട്. രണ്ട് കളർവേയിലാണ് ഇത് വിപണിയിലേക്ക് എത്തുന്നത്. ഒക്ടോബർ 30 മുതൽ ഈ ടാബ്‌ലെറ്റ് മോഡൽ വിൽപ്പനയ്‌ക്കെത്തും.

ALSO READ; വൈബടിക്കാം, ഒപ്പം ചുറ്റും നടക്കുന്നതുമറിയാം! സോണി ലിങ്ക്ബഡ്‌സ് ഓപ്പൺ ഇന്ത്യയിൽ അവതരിപ്പിച്ചു

ഓപ്പോ പാഡ് 3 പ്രോയുടെ സവിശേഷതകൾ; 

12.1 ഇഞ്ച് എൽസിഡി സ്‌ക്രീനോട് കൂടിയാണ് ഇതിന്റെ രൂപകൽപ്പന.3200 x 2120 പിക്സൽ റെസല്യൂഷന് നൽകുന്ന ഇത് 144 ഹെർട്സ് റിഫ്രഷ് റേറ്റും 900 നിറ്റ്സ് ബ്രൈറ്റ്നെസും നൽകുന്നുണ്ട്. സ്നാപ്പ്ഡ്രാഗൺ 8 ജൻ 3 ചിപ്പ്സെറ്റാണ് ടാബ്‌ലെറ്റിന് കരുത്ത് പകരുന്നത്. കളർ ഒഎസ് 14.1 അടിസ്ഥാനമാക്കിയുള്ള ആൻഡ്രോയിഡ് 14ലാണ് ഇതിന്റെ പ്രവർത്തനം.ഒപ്റ്റിക്‌സിലേക്ക് വന്നാൽ , 13 എംപി റിയർ ക്യാമറ, 8 എംപി ഫ്രണ്ട് ക്യാമറ എന്നിവ ടാബിൽ ഓപ്പോ സജ്ജീകരിച്ചിട്ടുണ്ട്. 67 സൂപ്പർവോക് ഫാസ്റ്റ് ചാർജിങ്ങിനുള്ള പിന്തുണയുള്ള 9,510 എംഎഎച്ച് ബാറ്ററിയാണ് ഇത് പായ്ക്ക് ചെയ്യുന്നത്.