തിരുവനന്തപുരം ഔട്ടര്‍ റിംഗ് റോഡ് പദ്ധതിയില്‍ പൊതുമരാമത്ത് വകുപ്പുമായി ബന്ധപ്പെട്ട പരാതികളും നിർദേശങ്ങളും തൽസമയം അറിയിക്കാം. മന്ത്രി മുഹമ്മദ് റിയാസിന്‍റെ നേതൃത്വത്തില്‍ വെള്ളിയാ‍ഴ്ച വൈകിട്ട് അഞ്ച് മണി മുതൽ ആറ് മണി വരെ നടക്കുന്ന ‘റിംഗ് റോഡ്’ ഫോൺ ഇൻ പരിപാടിയിലൂടെയാണ് അവസരം. വിളിക്കേണ്ട നമ്പർ 18004257771.
മന്ത്രി മുഹമ്മദ് റിയാസാണ് ഫേസ്ബുക്കിലൂടെ ഇക്കാര്യം വ്യക്തമാക്കിയത്.
റിംഗ് റോഡിനായുള്ള സർവേ നടപടികൾ റവന്യു വകുപ്പിന്റെ നേതൃത്വത്തിൽ പുരോഗമിക്കുകയാണ്. മെയ് മാസം മുതൽ ഭൂമി ഏറ്റെടുക്കുന്നതിനായുള്ള നടപടികൾക്രമങ്ങൾ പുരോഗമിക്കുകയാണ്.
റോഡിന് വേണ്ടി 348 ഹെക്ടർ സ്ഥലമാണ് ഏറ്റെടുക്കേണ്ടത്. മാർച്ചിൽ സർവേ നടപടികൾ പൂർത്തിയാകുന്നതിന് പിന്നാലെ ഭൂമിയുടെ വിലനിർണയവും ആരംഭിക്കും. സംസ്ഥാന സർക്കാരിന്റെ നിർദ്ദേശപ്രകാരമാണ് വിഴിഞ്ഞം – നാവായിക്കുളം ഔട്ടർ റിംഗ് റോഡ് നിർമിക്കാൻ ദേശീയപാത അതോറിറ്റി തീരുമാനിച്ചത്.
ഫേസ്ബുക്ക് പോസ്റ്റിന്‍റെ പൂര്‍ണരൂപം:
ALSO READ: മലയാളി മെഡിക്കല്‍ വിദ്യാര്‍ഥികള്‍ക്ക് നേരെ സദാചാര ആക്രമണം, സംഭവം മംഗളൂരുവില്‍
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
