മുണ്ടക്കൈ – ചൂരല്‍മല ദുരന്തം, ഒരു നാടിനെ ആകെ കണ്ണീരിലാഴ്ത്തിയ ജൂലായ് 30. നഷ്ടപ്പെട്ട ജീവനുകളെ ഓര്‍ത്ത് ഇന്നും കേരളം മുഴുവന്‍ ദു:ഖിക്കുമ്പോള്‍ എല്ലാവര്‍ക്കും ആശ്വാസമായ ഒരു വാര്‍ത്തയാണ് കുറച്ച് മണിക്കൂറുകള്‍ക്ക് മുമ്പ് പുറത്തുവന്നത്. അതിജീവനത്തിന്റെ കരുത്തുമായി ശ്രുതിയടക്കമുള്ളവര്‍ നമ്മുടെ മുന്നിലുള്ളപ്പോള്‍ അവിരൊലാരാളാണ് കൊച്ച് അവ്യക്ത്.
ചൂരല്‍മല ഉരുള്‍പൊട്ടലില്‍ അകപ്പെട്ട് ശ്വാസകോശത്തില്‍ ചളിയും മണ്ണും കയറിയും തലയ്ക്കും കൈക്കും കാലിനും പരുക്കേറ്റും കോഴിക്കോട് മെഡിക്കല്‍ കോളജ് ആശുപത്രിയില്‍ അതീവ ഗുരുതരാവസ്ഥയില്‍ കഴിഞ്ഞ അവ്യക്ത് ഈ നാടിന്റെ അതിജീവനത്തിന്റെ പ്രതീകമാണ്. മേപ്പാടിയില്‍ വച്ച് അവ്യക്തിനെയും കുടുംബത്തിനെയും മന്ത്രി മുഹമ്മദ് റിയാസ് കണ്ടു. അതിന്റെ ദൃശ്യങ്ങള്‍ അദ്ദേഹം തന്റെ ഫേസ്ബുക്ക് പേജില്‍ പങ്കുവയ്ക്കുകയും ചെയ്തു.
നിരവധി പേരാണ് മന്ത്രിയുടെ പോസ്റ്റിന് താഴെ കമന്റുമായി എത്തിയിട്ടുള്ളത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
