ഷാർജ അന്തർദേശീയ പുസ്തക മേള: തമിഴ് വിഭാഗത്തിൽ ഡോ. പളനിവേൽ ത്യാഗരാജനും എഴുത്തുകാരൻ ബി ജയമോഹനും പങ്കെടുക്കും

ഷാർജ അന്തർദേശിയ പുസ്തക മേളയിൽ ഇത്തവണ തമിഴ് വിഭാഗത്തിൽ തമിഴ് നാട്ടിൽ നിന്ന് ഐ ടി, ഡിജിറ്റൽ സേവന വകുപ്പ് മന്ത്രി ഡോ. പളനിവേൽ ത്യാഗരാജനും എഴുത്തുകാരൻ ബി ജയമോഹനും പങ്കെടുക്കും. നവംബർ 10 ന് വൈകീട്ട് 4 മുതൽ 6 വരെ കോൺഫറൻസ് ഹാളിൽ നടക്കുന്ന പരിപടിയിൽ ‘സാമ്പത്തിക നവീകരണവും സമഗ്ര വളർച്ചയും’ എന്ന വിഷയത്തെക്കുറിച്ച് ഡോ. പളനിവേൽ ത്യാഗരാജൻ സംസാരിക്കും. കാര്യക്ഷമമായ സാമ്പത്തിക നയനിർവഹണത്തെക്കുറിച്ചും സുസ്ഥിര വികസനത്തിൽ നൂതനമായ നയങ്ങൾക്കുള്ള പങ്കിനെക്കുറിച്ചുമുള്ള മൂല്യവത്തായ ഉൾക്കാഴ്ചകൾ അദ്ദേഹം പങ്കുവെക്കും.

ALSO READ; ഷാർജ അന്തർദേശീയ പുസ്തക മേള: കാവ്യസന്ധ്യയിൽ റഫീഖ് അഹമ്മദും പി പി രാമചന്ദ്രനും പങ്കെടുക്കും

നവംബർ 10ന് നടക്കുന്ന പരിപാടിയിൽ തമിഴ്-മലയാള എഴുത്തുകാരൻ ബി ജയമോഹൻ പങ്കെടുക്കും. രാത്രി 8.30 മുതൽ 9. 30 വരെ കോൺഫ്രൻസ് ഹാളിൽ ‘മിത്തും ആധുനികതയും: ഇന്ത്യൻ ഇതിഹാസങ്ങളുടെ പുനരാഖ്യാനം- ബി ജയമോഹനുമൊത്ത് ഒരന്വേഷണ യാത്ര’ എന്ന പരിപാടിയിൽ ഇന്ത്യൻ ഇതിഹാസങ്ങളെക്കുറിച്ചും സംസ്‌കാരത്തെയും കുറിച്ചുള്ള കാഴ്ചപ്പാടുകൾ അദ്ദേഹം പങ്കുവെക്കും. നോവലിസ്റ്റ്, കഥാകൃത്ത്, തിരക്കഥാകൃത്ത്, നിരൂപകൻ എന്നീ നിലകളിൽ വ്യക്തിമുദ്ര പതിപ്പിച്ച ജയമോഹൻ തമിഴിലും മലയാളത്തിലും ഒരു പോലെ പോലെ മികച്ച കൃതികൾ രചിച്ചിട്ടുള്ള എഴുത്തുകാരനാണ്.